[๔๐๗] นนุ ปสฺสสิมํ กาฬึ ทุพฺพณฺณํ ติลกาหตํ
โกกิลํ สณฺหวาเจน พหูนํ ปาณินํ ปิยํ ฯ

[๔๐๘] ตสฺมา สขิลวาจสฺส มนฺตภาณี อนุทฺธโต
อตฺถํ ธมฺมญฺจ ทีเปติ มธุรนฺตสฺส ภาสิตนฺติ ฯ
สุชาตาชาตกํ นวมํ ฯ
___________
๑๐ อุลูกชาตกํ

[๔๐๙] สพฺเพหิ กิร ญาตีหิ โกสิโย อิสฺสโร กโต
สเจ ญาตีหิ อนุญฺญาโต ๔ ภเณยฺยาหํ เอกวาจิกํ ฯ

[๔๑๐] ภณ สมฺม อนุญฺญาโต อตฺถํ ธมฺมญฺจ เกวลํ
สนฺติ หิ ทหรา ปกฺขี ปญฺญวนฺโต ชุตินฺธรา ฯ

[๔๑๑] น เม รุจฺจติ ภทฺทํ โว อุลูกสฺสาภิเสจนํ
#๑ สี. ม. เย จญฺเญ ฯ ๒ ม. วิสเสโน ว ฯ ๓ ม. สุชาตชาตกํ ฯ
#๔ สี. ยุ. ญาตีหนุญฺญาโต ฯ
อกฺกุทฺธสฺส มุขํ ปสฺส กถํ กุทฺโธ กริสฺสตีติ ฯ
อุลูกชาตกํ ทสมํ ฯ
ปทุมวคฺโค ทุติโย
___________
ตสฺสุทฺทานํ
ปทุมุตฺตม นาคสิริวฺหยโน
สมหณฺณว ยูป ขุรปฺปวโร
อถ ภทฺทลี กุญฺชร รุกฺข ปุน
ขรวาจ อุลูกวเรน ทส ฯ
___________
๓ อุทปานทูสกวคฺโค ๑
๑ อุทปานทูสกชาตกํ

[๔๑๒] อารญฺญกสฺส ๒ อิสิโน จิรํ รตฺตํ ตปสฺสิโน
กิจฺฉากตํ อุทปานํ กถํ สมฺม อปาหสิ ๓ ฯ

[๔๑๓] เอส ธมฺโม สิคาลานํ ยํ ปิวิตฺวา โอหทามเส
ปิตุปิตามหํ ธมฺโม น ตํ อุชฺฌาตุมรหสิ ฯ

[๔๑๔] เยสํ โว เอทิโส ธมฺโม อธมฺโม ปน กีทิโส
มา โว ธมฺมํ อธมฺมํ วา อทฺทสาม กุทาจนนฺติ ฯ
อุทปานทูสกชาตกํ ปฐมํ ฯ
#๑ ม. อุทปานวคฺค ฯ ๒ ม. อรญฺญิกสฺส ฯ ๓ สี. ม. อวาหสิ ฯ
๒ พฺยคฺฆชาตกํ

[๔๑๕] เยน มิตฺเตน สํสคฺคา โยคกฺเขโม วิหียติ
ปุพฺเพวชฺฌาภวนฺตสฺส รกฺเข อกฺขึว ปณฺฑิโต ฯ

[๔๑๖] เยน มิตฺเตน สํสคฺคา โยคกฺเขโม ปวฑฺฒติ
กเรยฺยตฺตสมํ วุตฺตึ สพฺพกิจฺเจสุ ปณฺฑิโต ฯ