[๓๘๗] ยํ เอตา อุปเสวนฺติ ฉนฺทสา วา ธเนน วา
ชาตเวโทว สณฺฐานํ ขิปฺปํ อนุทหนฺติ นนฺติ ฯ
มุทุปาณิชาตกํ ทุติยํ ฯ่
#๑ ม. ปลปนฺเตเต ฯ ๒ ม. อหํ ยาจามิ ยาจิโต ฯ
๓ จุลฺลปโลภนชาตกํ

[๓๘๘] อภิชฺชมาเน วาริสฺมึ สยํ อาคมฺม อิทฺธิยา
มิสฺสีภาวิตฺถิยา คนฺตฺวา สํสีทสิ มหณฺณเว ฯ

[๓๘๙] อาวฏฺฏนี มหามายา พฺรหฺมจริยวิโกปนา
สีทนฺติ นํ วิทิตฺวาน อารกา ปริวชฺชเย ฯ

[๓๙๐] ยํ เอตา อุปเสวนฺติ ฉนฺทสา วา ธเนน วา
ชาตเวโทว สณฺฐานํ ขิปฺปํ อนุทหนฺติ นนฺติ ฯ
จุลฺลปโลภนชาตกํ ตติยํ ฯ
____________
๔ มหาปนาทชาตกํ

[๓๙๑] ปนาโท นาม โส ราชา ยสฺส ยูโป สุวณฺณิโย ๑
ติริยํ โสฬสุพฺเพโธ อุจฺจมาหุ ๒ สหสฺสธา ฯ

[๓๙๒] สหสฺสกณฺโฑ สตเคณฺฑุ ธชาลุ หริตามโย
อนจฺจุํ ตตฺถ คนฺธพฺพา ฉ สหสฺสานิ สตฺตธา ฯ

[๓๙๓] เอวเมตํ ตทา อาสิ ยถา ภาสสิ ภทฺทชิ
สกฺโก อหํ ตทา อาสึ เวยฺยาวจฺจกโร ตวาติ ฯ
มหาปนาทชาตกํ จตุตฺถํ ฯ
____________
๕ ขุรปฺปชาตกํ

[๓๙๔] ทิสฺวา ขุรปฺเป ธนุเวคนุนฺเน
#๑ ม. สุวณฺณโย ฯ ๒ ม. อุทฺธมาหุ ฯ
ขคฺเค คหิเต ๑ ติขิเณ เตลโธเต
ตสฺมึ ภยสฺมึ มรเณ วิรูเฬฺห ๒
กสฺมา นุ เต นาหุ ฉมฺภิตตฺตํ ฯ

[๓๙๕] ทิสฺวา ขุรปฺเป ธนุเวคนุนฺเน
ขคฺเค คหิเต ๓ ติขิเณ เตลโธเต
ตสฺมึ ภยสฺมึ มรเณ วิรูเฬฺห ๔
เวทํ อลตฺถํ วิปุลํ อุฬารํ ฯ

[๓๙๖] โส เวทชาโต อชฺฌภวึ อมิตฺเต
ปุพฺเพว เม ชีวิตมาสิ จตฺตํ
น หิ ชีวิเต อาลยํ กุพฺพมาโน
สูโร กยิรา สูรกิจฺจํ กทาจีติ ฯ
ขุรปฺปชาตกํ ปญฺจมํ ฯ
___________
๖ วาตคฺคสินฺธวชาตกํ