[๓๗๗] อาปาสุ เม ยุทฺธปราชิตสฺส
เอกสฺส กตฺวา วิวนสฺมิ โฆเร
ปสารยิ กิจฺฉคตสฺส ปาณึ
เตนุทฺธตารึ ทุขสมฺปเรโต ฯ

[๓๗๘] เอตสฺส กิจฺเฉน อิธานุปตฺโต
เวยฺยาสิโน ๓ วีสย ชีวโลเก
ลาภารโห ตาต ติรีติวจฺโฉ
เทถสฺส โภคํ ยชิตญฺจ ๔ ยญฺญนฺติ ฯ
ติริติวจฺฉชาตกํ นวมํ ฯ
___________
#๑ ม. ติรีฏ … ฯ ๒ ม. ติรีฏวจฺโฉ ฯ ๓ สี. เวสายิโน ฯ ม. เวสายิโน วิสยา ฯถ
#๔ ม. ยชถญฺจ ฯ สี. ยุ. ยชตญฺจ ฯ
๑๐ ทูตชาตกํ

[๓๗๙] ยสฺสตฺถา ทูรมายนฺติ อมิตฺตมปิ ยาจิตุํ
ตสฺสูทรสฺสหํ ทูโต มา เม กุชฺฌ รเถสภ ฯ

[๓๘๐] ยสฺส ทิวา จ รตฺโต จ วสมายนฺติ มาณวา
ตสฺสูทรสฺสหํ ทูโต มา เม กุชฺฌ ๑ รเถสภ ฯ

[๓๘๑] ททามิ เต พฺราหฺมณ โรหิณีนํ
ควํ สหสฺสํ สห ปุงฺคเวน
ทูโต หิ ทูตสฺส กถํ น ทชฺชํ
มยมฺปิ ตสฺเสว ภวาม ทูตาติ ฯ
ทูตชาตกํ ทสมํ ฯ
สงฺกปฺปวคฺโค ปฐโม ฯ
___________
ตสฺสุทฺทานํ
อุสุการวโร ติลมุฏฺฐิ มณิ
หยราช วิหงฺคม อาสีวิโส
ชนสนฺธ กหาปณวสฺส ปุน
ติริติ ๒ ปุน ทูตาวเรน ๓ ทส ฯ
___________
#๑ สี. ยุ. กุชฺฌิ ฯ ๒ ม. ติริฏํ ฯ ๓ ม. ทูตวเรน ฯ
๒ ปทุมวคฺโค
๑ ปทุมชาตกํ

[๓๘๒] ยถา เกสา จ มสฺสุ จ ฉินฺนํ ฉินฺนํ วิรูหติ
เอวํ รูหตุ เต นาสา ปทุมํ เทหิ ยาจิโต ฯ

[๓๘๓] ยถา สารทิกํ วีชํ เขตฺเต วุตฺตํ วิรูหติ
เอวํ รูหตุ เต นาสา ปทุมํ เทหิ ยาจิโต ฯ

[๓๘๔] อุโภปิ วิลปนฺเตเต ๑ อปิ ปทฺมานิ ทสฺสติ
วชฺชุํ วา เต น วา วชฺชุํ นตฺถิ นาสาย รูหนา
เทหิ สมฺม ปทุมานิ ปทฺมา เม เทหิ ยาจิโตติ ๒ ฯ
ปทุมชาตกํ ปฐมํ ฯ
___________
๒ มุทุปาณิชาตกํ

[๓๘๕] ปาณิ เจ มุทุโก จสฺส นาโค จสฺส สุการิโต
อนฺธกาโร จ วสฺเสยฺย อถ นูน ตทา สิยา ฯ

[๓๘๖] อนลา มุทุสมฺภาสา ทุปฺปูรา ตา นทีสมา
สีทนฺติ นํ วิทิตฺวาน อารกา ปริวชฺชเย ฯ