[๓๖๗] ชรูทปานํ ขณมานา วาณิชา อุทกตฺถิกา
อชฺฌคฺคํสุ อโยโลหํ ๕ ติปุสีสญฺจ มาณโย
รชตํ ชาตรูปญฺจ มุตฺตา เวฬุริยา พหู ฯ

[๓๖๘] เต จ เตน อสนฺตุฏฺฐา ภิยฺโย ภิยฺโย ขณึสุ เต ๖
ตตฺถปาสีวิโส โฆโร ๗ เตชสี เตชสา หนิ ฯ
#๑ ม. อยํ ปาโฐ นตฺถิ ฯ ๒ สี. ยุ. อชฺฌปาหริ ฯ ๓ ม. อคิทฺธตา ฯ ๔ ม. จ ฯ
#๕ ม. อชฺฌคมม อยสํ โลหํ ฯ ๖ สี. อขาณิสุ ฯ ม. อขาณิสุํ ฯ ๗ สี. ม.
#เต ตตฺถาสีวิโส โฆโร ฯ

[๓๖๙] ตสฺมา ขเณ นาติกฺขเณ อติกฺขาตมฺหิ ปาปกํ
ขณเนน ๑ ธนํ ลทฺธํ อติกฺขาเตน นาสิตนฺติ ฯ
ชรูทปานชาตกํ ฉฏฺฐํ ฯ
___________
๗ คามณิจนฺทชาตกํ

[๓๗๐] นายํ ฆรานํ กุสโล โลโล อยํ วลีมุโข
กตํ กตํ โข ปทูเสยฺย เอวํธมฺมมิทํ กุลํ ฯ

[๓๗๑] นยิทํ จิตฺตวโต โลมํ นายํ อสฺสาสิโก มิโค
สตฺถํ ๒ เม ชนสนฺเธน นายํ กิญฺจิ วิชานติ ฯ

[๓๗๒] น มาตรํ ปิตรํ วา ภาตรํ ภคินึ สกํ
ภเรยฺย ตาทิโส โปโส สิฏฺฐํ ๓ ทสรเถน เมติ ฯ
คามณิจนฺทชาตกํ สตฺตมํ ฯ
___________
๘ มนฺธาตุราชชาตกํ

[๓๗๓] ยาวตา จนฺทิมสุริยา (ปริหรนฺติ) ทิสา ภนฺติ วิโรจนา
สพฺเพว ทาสา มนฺธาตุ เย ปาณา ปฐวิสฺสิตา ฯ

[๓๗๔] น กหาปณวสฺเสน ติตฺติ กาเมสุ วิชฺชติ
อปฺปสฺสาทา ทุขา กามา อิติ วิญฺญาย ปณฺฑิโต ฯ

[๓๗๕] อปิ ทิพฺเพสุ กาเมสุ รตึ โส นาธิคจฺฉติ
#๑ ม. ขาเตน จ ฯ ๒ ม. สิฏฺฐํ ฯ ๓ สี. สตฺถํ ฯ
ตณฺหกฺขยรโต โหติ สมฺมาสมฺพุทฺธสาวโกติ ฯ
มนฺธาตุราชชาตกํ อฏฺฐมํ ฯ
___________
๙ ติริติวจฺฉชาตกํ ๑

[๓๗๖] นยิมสฺส วิชฺชามยมตฺถิ กิญฺจิ
น พนฺธโว โน ปน เต สหาโย
อถ เกน วณฺเณน ติรีติวจฺโฉ ๒
เตทณฺฑิโก ภุญฺชติ อคฺคปิณฺฑํ ฯ