[๓๓๗] อหํ ตํ สรณํ สมฺม อหมาจริยปูชโก
น ตํ ชยิสฺสติ สิสฺโส สิสฺสมาจริย เชสฺสสีติ ฯ
คุตฺติลชาตกํ ตติยํ ฯ
___________
๔ วิคติจฺฉชาตกํ

[๓๓๘] ยํ ปสฺสติ น ตํ อิจฺฉติ ยญฺจ น ปสฺสติ ตํ กิร อิจฺฉติ
มญฺญามิ จิรํ จริสฺสติ น หิ ตํ ลจฺฉติ ยํ โส อิจฺฉติ ฯ

[๓๓๙] ยํ ลภติ น เตน ตุสฺสติ ยํ [๔] ปตฺเถติ ลทฺธํ หีเฬติ
อิจฺฉา หิ อนนฺตโคจรา วิคติจฺฉานํ นโม กโรมเสติ ฯ
วิคติจฺฉชาตกํ จตุตฺถํ ฯ
#๑ ม. ปมุญฺเจยฺย ฯ ๒ ม. อสิโต จ ฯ ๓ ม. – ปสฺสุปตู ชโน ฯ ๔ ม. จ ฯ
๕ มูลปริยายชาตกํ

[๓๔๐] กาโล ฆสติ ภูตานิ สพฺพาเนว สหตฺตนา
โย จ กาลฆโส ภูโต ส ภูตปจนึ ปจิ ฯ

[๓๔๑] พหูนิ นรสีสานิ โลมสานิ พฺรหฺานิ จ
คีวาสุ ปฏิมุกฺกานิ โกจิ เทเวตฺถ กณฺณวาติ ฯ
มูลปริยายชาตกํ ปญฺจมํ ฯ
___________
๖ พาโลวาทชาตกํ ๑

[๓๔๒] หนฺตฺวา ฆตฺวา ๒ วธิตฺวา จ เทติ ทานํ อสญฺญโต
อีทิสํ ภตฺตํ ภุญฺชมาโน ส ปาปมุปลิมฺปติ ๓ ฯ

[๓๔๓] ปุตฺตทารมฺปิ เจ หนฺตฺวา เทติ ทานํ อสญฺญโต
ภุญฺชมาโนปิ สปฺปญฺโญ น ปาปมุปลิมฺปตีติ ๓ ฯ
พาโลวาทชาตกํ ฉฏฺฐํ ฯ
____________
๗ ปาทญฺชลิชาตกํ

[๓๔๔] อทฺธา ปาทญฺชลี สพฺเพ ปญฺญาย อติโรจติ
ตถา หิ โอฏฺฐํ ภญฺชติ อุตฺตรึ นูน ปสฺสติ ฯ

[๓๔๕] นายํ ธมฺมํ อธมฺมํ วา อตฺถานตฺถญฺจ พุชฺฌติ
#๑ สี. เตโลวาทชาตกํ ฯ ๒ ม. เฉตฺวา ฯ ๓ สี. ยุ. ปาเปน ฯ
อญฺญตฺร โอฏฺฐนิพฺโภคา นายํ ชานาติ กิญฺจนนฺติ ฯ
ปาทญฺชลิชาตกํ สตฺตมํ ฯ
___________
๘ กึสุโกปมชาตกํ

[๓๔๖] สพฺเพหิ กึสุโก ทิฏฺโฐ กิเนฺวตฺถ วิจิกิจฺฉถ
น หิ สพฺเพสุ ฐาเนสุ สารถิ ๑ ปริปุจฺฉิโต ฯ