[๓๒๗] อาสีวิสมฺปิ มํ สนฺตํ ปวิฏฺฐํ กุมินามุขํV
รุจฺจเต หริตามาตา ยํ มํ ขาทนฺติ มจฺฉกา ฯ

[๓๒๘] วิลุมฺปเตว ปุริโส ยาวสฺส อุปกปฺปติ
ยทา จญฺเญ วิลุมฺปนฺติ โส วิลุตฺโต วิลุมฺปตีติ ฯ
หริตมาตชาตกํ นวมํ ฯ
___________
๑๐ มหาปิงฺคลชาตกํ

[๓๒๙] สพฺโพ ชโน หึสิโต ปิงฺคเลน
ตสฺมึ มเต ปจฺจยํ ๓ เวทยนฺติ
ปิโย นุ เต อาสิ อกณฺหเนตฺโต
กสฺมา นุ ตฺวํ โรทสิ ทฺวารปาล ฯ

[๓๓๐] น เม ปิโย อาสิ อกณฺหเนตฺโต
ภายามิ ปจฺจาคมนาย ตสฺส
อิโต คโต หึเสยฺย มจฺจุราชํ
โส หึสิโต อาเนยฺย ปุน อิธ ฯ

[๓๓๑] ทฑฺโฒ วาหสหสฺเสหิ สิตฺโต ฆฏสเตหิ โส
#๑ ม. จาติ ฯ ๒ ม. หริตมณฺฑูกชาตกํ ฯ ๓ ม. ปจฺจยา ฯ
ปริกฺขิตฺตา จ สา ภูมิ มา ภายิ นาคมิสฺสตีติ ๑ ฯ
มหาปิงฺคลชาตกํ ทสมํ ฯ
อุปาหนวคฺโค นวโม ฯ
___________
ตสฺสุทฺทานํ
วรุปาหน ขุชฺช วิกณฺณกโก
อสิตาภุย ปญฺจมวจฺฉนโข
ทิช เปมวรุตฺตม เอกปทํ
กุมินามุข ปิงฺคลเกน ทส ฯ
___________
๑๐ สิคาลวคฺโค
๑ สพฺพทาฐิชาตกํ

[๓๓๒] สิคาโล มานถทฺโธ จ ปริวาเรน อตฺถิโก
ปาปุณิ มหตึ ภูมึ ราชาสิ สพฺพทาฐินํ ฯ9

[๓๓๓] เอวเมว มนุสฺเสสุ โย โหติ ปริวารวา
โส หิ ตตฺถ มหา โหติ สิคาโล วิย ทาฐินนฺติ ฯ
สพฺพทาฐิชาตกํ ปฐมํ ฯ
___________
#๑ สี. อยํ ปจฺฉิมคาถา น ทิสฺสติ ฯ
๒ สุนขชาตกํ

[๓๓๔] พาโล วตายํ สุนโข โย วรตฺตํ น ขาทติ
พนฺธนา จ ปโมเจยฺย ๑ อสิโตว ๒ ฆรํ วเช ฯ

[๓๓๕] อฏฺฐิตํ เม มนสฺมึ เม อโถ เม หทเย กตํ
กาลญฺจ ปฏิกงฺขามิ ยาว ปสุปตุชฺชโนติ ๓ ฯ
สุนขชาตกํ ทุติยํ ฯ
__________
๓ คุตฺติลชาตกํ

[๓๓๖] สตฺตตนฺตึ สุมธุรํ รามเณยฺยํ อวาจยึ
โส มํ รงฺคมฺหิ อเวฺหติ สรณํ เม โหหิ โกสิย ฯ