[๓๑๗] ตฺวเมวทานิมกริ ๑ ยํ กาโม พฺยคมา ตยิ
โสยํ อปฺปฏิสนฺธิโก ขรา ฉินฺนํว เรนุกํ ๒ ฯ

[๓๑๘] อตฺริจฺฉา ๓ อติโลเภน อติโลภมเทน จ
เอวํ หายติ อตฺถมฺหา อหํว อสิตาภุยาติ ฯ
อสิตาภุชาตกํ จตุตฺถํ ฯ
___________
๕ วจฺฉนขชาตกํ

[๓๑๙] สุขา ฆรา วจฺฉนข สหิรญฺญา สโภชนา
ยตฺถ ภุตฺวา ปิวิตฺวา จ สเยยฺยาสิ ๔ อนุสฺสุโก ฯ

[๓๒๐] ฆรา นานีหมานสฺส ฆรา นาภณโต มุสา
ฆรา นาทินฺนทณฺฑสฺส ปเรสํ อนิกุพฺพโต
เอวํ ฉิทฺทํ ทุรภิสมฺภวํ ๕ โก ฆรํ ปฏิปชฺชตีติ ฯ
วจฺฉนขชาตกํ ปญฺจมํ ฯ
#๑ ม. -มกรํ ฯ ๒ สี. ยุ. เรรุกํ ฯ ๓ ม. อตฺริจฺฉํ ฯ ๔ ม. สเยยฺยาถ ฯ
#๕ สี. ยุ. ทุรภิภวํ ฯ
๖ พกชาตกํ

[๓๒๑] ภทฺทโก วตายํ ปกฺขี ทิโช กุมุทสนฺนิโภ
วูปสนฺเตหิ ปกฺเขหิ มนฺทมนฺโทว ฌายติ ฯ

[๓๒๒] นาสฺส สีลํ วิชานาถ อนญฺญาย ปสํสถ
อเมฺห ทิโช น ปาเลติ เตน ปกฺขี น ผนฺทตีติ ฯ
พกชาตกํ ฉฏฺฐํ ฯ
___________
๗ สาเกตชาตกํ

[๓๒๓] โก นุ โข ภควา เหตุ เอกจฺเจ อิธ ปุคฺคเล
อตีว หทยํ นิพฺพาติ จิตฺตญฺจาปิ ปสีทติ ฯ

[๓๒๔] ปุพฺเพว สนฺนิวาเสน ปจฺจุปฺปนฺนหิเตน วา
เอวนฺตํ ชายเต เปมํ อุปฺปลํว ยโถทเกติ ฯ
สาเกตชาตกํ สตฺตมํ ฯ
___________
๘ เอกปทชาตกํ

[๓๒๕] อิงฺฆ เอกปทํ ตาต อเนกตฺถปทสฺสิตํ ๑
กิญฺจิ สงฺคหิตํ พฺรูหิ เยนตฺเถ สาธเยมเส ฯ

[๓๒๖] ทกฺเขยฺเยกปทํ ตาต อเนกตฺถปทสฺสิตํ
ตญฺจ สีเลน สํยุตฺตํ ขนฺติยา อุปปาทิตํ
#๑ สี. ยุ. -ปทนิสฺสิตํ ฯ
อลํ มิตฺเต สุขาเปตุํ อมิตฺตานํ ทุขาย วาติ ๑ ฯ
เอกปทชาตกํ อฏฺฐมํ ฯ
___________
๙ หริตมาตชาตกํ ๒