[๓๐๗] คชคฺคเมเฆภิ หยคฺคมาลิภิ
รถูมิชาเตภิ สราภิวสฺสภิ ๑
ธนุคฺคหา ๒ วฏฺฏทฬฺหปฺปหาริภิ
ปริวาริตา ตกฺกสิลา สมนฺตโต ฯ

[๓๐๘] อภิธาวถา จุปฺปตถา จ ๓
วิวิธวินทิตา ๔ ว ทนฺติภิ
วตฺตตชฺช ตุมุโล โฆโส ๕
ยถา วิชฺชุตา ชลธรสฺส คชฺชโตติ ฯ(
ปลายิชาตกํ นวมํ ฯ
___________
๑๐ ทุติยปลายิชาตกํ ๖

[๓๐๙] ธชมปริมิตํ อนนฺตปารํ
ทุปฺปสหํ ธงฺเกหิ สาครมิว
คิริมิว อนิเลน ทุปฺปสโห ๗
ทุปฺปสโห ๗ อหมชฺช ตาทิเสน ฯ
#๑ ม. สภาภิวสฺเสภิ ฯ ๒ สี. ม. ถรุคฺคหา ฯ ๓ ม. อภิธาวถ จูปธาวถ จ ฯ
#๔ ม. วิวิธา วินาทิตา ฯ ๕ ม. … โฆโส ยถา วิชฺชุลตา … ฯ
#๖ ทุติยปลายิตชาตกํ ฯ ๗ ม. ทุปฺปสโยฺห ฯ

[๓๑๐] มา พาลิยํ วิปฺปลปิ ๑ น หิสฺส ตาทิสํ
วิทยฺหเส ๒ น หิ ลภเส นิเสธกํ
อาสชฺชสิ คชมิว เอกจารินํ
โย ตํ ปทา นฬมิว โปถยิสฺสตีติ ฯ
ทุติยปลายิชาตกํ ทสมํ ฯ
กาสาววคฺโค อฏฺฐโม ฯ
___________
ตสฺสุทฺทานํ
วรวตฺถ วโจ ทุมขีณผลํ
จตุโรธมฺมวรํ ปุริสุตฺตม
ธงฺก มคธา จ ตโยคิริ นาม
คชคฺควโร ธชวเรน ทส ฯ
___________
๙ อุปาหนวคฺโค
๑ อุปาหนชาตกํ

[๓๑๑] ยถาปิ กีตา ปุริสสฺสุปาหนา
สุขสฺส อตฺถาย ทุขํ อุทพฺพเห
ฆมฺมาภิตตฺตา ตลสาว ปีฬิตา
ตสฺเสว ปาเท ปุริสสฺส ขาทเร ฯ
#๑ ม. วิลปิ ฯ ๒ สี. ยุ. วิฬยฺหเส ฯ

[๓๑๒] เอวเมว โย ทุกฺกุลิโน อนริโย
ตุมฺหากํ วิชฺชญฺจ สุตญฺจ อาทิย
ตเมว โส ตตฺถ สุเตน ขาทติ
อนริโย วุจฺจตุปาหนูปโมติ ๑ ฯ
อุปาหนชาตกํ ปฐมํ ฯ
___________
๒ วีณาถูณชาตกํ

[๓๑๓] เอกจินฺติโต อยมตฺโถ พาโล อปริณายโก
น หิ ขุชฺเชน วาเมน โภติ สงฺคนฺตุมรหสิ ฯ

[๓๑๔] ปุริสูสภํ มญฺญมานา อหํ ขุชฺชมกามยึ
โสยํ สงฺกุฏิโต เสติ ฉินฺนตนฺติ ยถา วิณาติ ฯ
วีณาถูณชาตกํ ทุติยํ ฯ
___________
๓ วิกณฺณกชาตกํ

[๓๑๕] กามํ ยหึ อิจฺฉสิ เตน คจฺฉ
วิทฺโธสิ มมฺมมฺหิ วิกณฺณเกน
หโตสิ ภตฺเตน สวาทิเตน ๒
โลโลว ๓ มจฺเฉ อนุพนฺธมาโน ฯ

[๓๑๖] เอวมฺปิ โลกามิสโมปตนฺโต
#๑ ม. วุจฺจติ ทุปาหนูปโม ฯ ๒ ม. สุวาทิเตน ฯ ๓ ม. โลโล จ ฯ
วิหญฺญติ จิตฺตวสานุวตฺตี
โส หญฺญติ ญาติสขาน มชฺเฌ
มจฺฉานุโค โสริว สสสุมาโรติ ฯ
วิกณฺณกชาตกํ ตติยํ ฯ
___________
๔ อสิตาภุชาตกํ