[๒๖๗] ทิฏฺฐา มยา วเน รุกฺขา อสฺสกณฺณา วิเภทกา ๔
น ตานิ เอวํ สกฺกนฺติ ยถา ตฺวํ รุกฺขํ สกฺกสิ ฯ

[๒๖๘] ปุราณกกฺกโร ๕ อยํ เภตฺวา ปญฺชรมาคโต
กุสโล วาลปาสานํ อปกฺกมติ ภาสตีติ ฯ
กกฺกรชาตกํ นวมํ ฯ
___________
๑๐ กนฺทคลกชาตกํ

[๒๖๙] อมฺโภ โก นามยํ รุกฺโข สินฺนปตฺโต ๖ สกณฺฏโก
ยตฺถ เอกปฺปหาเรน อุตฺตมงฺคํ วิสาฏิตํ ๗ ฯ

[๒๗๐] อจาริ วตายํ วิตุทํ วนานิ
กฏฺฐงฺครุกฺเขสุ อสารเกสุ
#๑ ม. สุสุ … ฯ ๒ สุสุมาร ฯ ๓ ม. กุกฺกุฏชาตกํ ฯ ๔ ม. สพฺพตฺถ วิภีฏกา ฯ
#๕ ม. ปุราณกุกฺกุโฏ ฯ ๖ สี. ยุ. สีนปตฺโต ฯ ๗ ม. วิภิชฺชิตํ ฯ
อถาสทา ขทิรํ ชาตสารํ
ยตฺถพฺภิทา ครุโฬ อุตฺตมงฺคนฺติ ฯ
กนฺทคลกชาตกํ ทสมํ ฯ
นตํทฬฺหวคฺโค ฉฏฺโฐ ฯ
___________
ตสฺสุทฺทานํ
ทฬฺหพนฺธน หํสวโร จ ปุน
วิรูปกฺข สวิฏฺฐก มจฺฉวโร
สกุรุงฺค สอสฺสก อมฺพวโร
ปุน กุกฺกุฏโก ครุเฬน ทส ฯ
___________
๗ พีรณตฺถมฺภกวคฺโค
๑ โสมทตฺตชาตกํ

[๒๗๑] อกาสิ โยคฺคํ ธุวมปฺปมตฺโต
สํวจฺฉรํ พีรณตฺถมฺภกสฺมึ
พฺยากาสิ อญฺญํ ๑ ปริสํ วิคยฺห
น นิยฺยโม ตายติ อปฺปปญฺญํ ฯ

[๒๗๒] ทฺวยํ ยาจนโก ตาต โสมทตฺต นิคจฺฉติ
#๑ สี. ม. สญฺญํ ฯ
อลาภํ ธนลาภํ วา เอวํ ธมฺมา หิ ยาจนาติ ฯ
โสมทตฺตชาตกํ ปฐมํ ฯ
___________
๒ อุจฺฉิฏฺฐภตฺตชาตกํ

[๒๗๓] อญฺโญ อุปริโม วณฺโณ อญฺโญ วณฺโณ จ เหฏฺฐิโม
พฺราหฺมณิ เตฺวว ปุจฺฉามิ กึ เหฏฺฐา กิญฺจ อุปฺปริ ฯ

[๒๗๔] อหํ นโฏสฺมิ ภทฺทนฺเต ภิกฺขโกสฺมิ อิธาคโต
อยํ หิ โกฏฺฐโมติณฺโณ อยํ โส ยํ คเวสสีติ ฯ
อุจฺฉิฏฺฐภตฺตชาตกํ ทุติยํ ฯ
___________
๓ ภรุราชชาตกํ ๑

[๒๗๕] อิสีนมนฺตรํ กตฺวา ภรุราชาติ ๒ เม สุตํ
อุจฺฉินฺโน สห รฏฺเฐหิ ๓ ส ราชา วิภวํ คโต ฯ

[๒๗๖] ตสฺมา หิ ฉนฺทาคมนํ นปฺปสํสนฺติ ปณฺฑิตา
อทุฏฺฐจิตฺโต ภาเสยฺย คิรํ สจฺจูปสญฺหิตนฺติ ฯ
ภรุราชชาตกํ ตติยํ ฯ
___________
๔ ปุณฺณนทีชาตกํ