[๒๕๗] อปิ วีรก ปสฺเสสิ สกุณํ มญฺชุภาณกํ
มยูรคีวสงฺกาสํ ปตึ มยฺหํ สวิฏฺฐกํ ฯ

[๒๕๘] อุทกถลจรสฺส ปกฺขิโน
นิจฺจํ อามกมจฺฉโภชิโน
ตสฺสานุกรํ สวิฏฺฐโก
เสวาเลหิ ปลิคุณฺฐิโต มโตติ ฯ
วีรกชาตกํ จตุตฺถํ ฯ
___________
๕ คงฺเคยฺยชาตกํ

[๒๕๙] โสภนฺติ มจฺฉา คงฺเคยฺยา ๒ อโถ โสภนฺติ ๒ ยามุนา
#๑ ม. มา กญฺจิ ฯ ๒ ม. โสภติ มจฺโฉ คงฺเคยฺยา อโถ โสภติ ยามุโน ฯ
จตุปฺปทายํ ปุริโส นิโคฺรธปริมณฺฑโล
อีสกายตคีโว จ สพฺเพว อติโรจติ ฯ

[๒๖๐] ยํ ปุจฺฉิโต น ตํ อกฺขา ๑ อญฺญํ อกฺขาติ ๒ ปุจฺฉิโต
อตฺตปฺปสํสโก โปโส นายํ อสฺมาก รุจฺจตีติ ฯ
คงฺเคยฺยชาตกํ ปญฺจมํ ฯ
____________
๖ กุรุงฺคมิคชาตกํ

[๒๖๑] อิงฺฆ วทฺธมยํ ๓ ปาสํ ฉินฺท ทนฺเตหิ กจฺฉปE
อหํ ตถา กริสฺสามิ ยถา เนหิติ ลุทฺทโก ฯ

[๒๖๒] กจฺฉโป ปาวิสี วารึ กุรุงฺโค ปาวิสี วนํ
สตปตฺโต ทุมคฺคมฺหา ทูเร ปุตฺเต อปานยีติ ฯ
กุรุงฺคมิคชาตกํ ฉฏฺฐํ ฯ
____________
๗ อสฺสกชาตกํ

[๒๖๓] อยมสฺสกราเชน เทโส วิจริโต มยา
อนุกามยกาเมน ๔ ปิเยน ปตินา สห ฯ

[๒๖๔] นเวน สุขทุกฺเขน โปราณํ อปิถิยฺยติ ๕
ตสฺมา อสฺสกรญฺญาว กีโฏ ปิยตโร มมนฺติ ฯ
อสฺสกชาตกํ สตฺตมํ ฯ
___________
#๑-๒ ม. อกฺขาสิ ฯ ๓ ม. วฏฺฏมยํ ฯ ๔ สี. ยุ. อนุกามยานุกาเมน ฯ
#๕ ม. อปิธิยฺยติ ฯ
๘ สสสุมารชาตกํ ๑

[๒๖๕] อลเมเตหิ อมฺเพหิ ชมฺพูหิ ปนเสหิ จ
ยานิ ปารํ สมุทฺทสฺส วรํ มยฺหํ อุทุมฺพโร ฯ

[๒๖๖] มหตี วต เต โพนฺทิ น จ ปญฺญา ตทูปิกา
สสสุมาร ๒ วญฺจิโต เมสิ คจฺฉทานิ ยถาสุขนฺติ ฯ
สสสุมารชาตกํ อฏฺฐมํ ฯ
___________
๙ กกฺกรชาตกํ ๓