[๒๓๗] น สนฺติ เทวา ปวสนฺติ นูน
น หิ นูน สนฺติ อิธ โลกปาลา
สหสา กโรนฺตานมสญฺญตานํ
น หิ นูน สนฺติ ๓ ปฏิเสธิตาโร ฯ

[๒๓๘] อกาเล วสฺสตี ตสฺส กาเล ตสฺส น วสฺสติ
#๑ ม. อหมฺปิ ฯ ๒ ม. โกมารปตี ฯ ๓ ม. สนฺตี ฯ
สคฺคา จ จวติ ฐานา นนุ โส ตาวตา หโตติ ฯ
มณิโจรชาตกํ จตุตฺถํ ฯ
___________
๕ ปพฺพตูปตฺถรชาตกํ

[๒๓๙] ปพฺพตูปตฺถเร ๑ รมฺเม ชาตา โปกฺขรณี สิวา
ตํ สิคาโล อปาปาสิ ๒ ชานํ สีเหน รกฺขิตํ ฯ

[๒๔๐] ปิวนฺติ เจ มหาราช สาปทานิ มหานทึ
น เตน อนที โหติ ขมสฺสุ ยทิ เต ปิยาติ ฯ
ปพฺพตูปตฺถรชาตกํ ปญฺจมํ ฯ
____________
๖ วลาหกสฺสชาตกํ

[๒๔๑] เย น กาหนฺติ โอวาทํ นรา พุทฺเธน เทสิตํ
พฺยสนํ เต คมิสฺสนฺติ รกฺขสีหิว วาณิชา ฯw

[๒๔๒] เย จ กาหนฺติ โอวาทํ นรา พุทฺเธน เทสิตํ
โสตฺถึ ปารํ คมิสฺสนฺติ วลาเหเนว วาณิชาติ ฯ
วลาหกสฺสชาตกํ ฉฏฺฐํ ฯ
___________
๗ มิตฺตามิตฺตชาตกํ

[๒๔๓] น นํ อุมฺหยเต ทิสฺวา น จ นํ ปฏินนฺทติ
จกฺขูนิ จสฺส น ททาติ ปฏิโลมญฺจ วตฺตติ ฯ
#๑ สี. ยุ. ปพฺพตปตฺถเร ฯ ๒ ม. อปาปายิ ฯ

[๒๔๔] เอเต ภวนฺติ อาการา อมิตฺตสฺมึ ปติฏฺฐิตา
เยหิ อมิตฺตํ ชาเนยฺย ทิสฺวา สุตฺวา จ ปณฺฑิโตติ ฯ
มิตฺตามิตฺตชาตกํ สตฺตมํ ฯ
___________
๘ ราธชาตกํ

[๒๔๕] ปวาสา อาคโต ตาต อิทานิ น จิราคโต
กจฺจิ นุ ตาต เต มาตา น อญฺญมุปเสวติ ฯ

[๒๔๖] น โข ปเนตํ สุภณํ คิรํ สจฺจูปสญฺหิตํ
สเยถ โปฏฺฐปาโทว มุมฺมเร อุปกูสิโตติ ๑ ฯ
ราธชาตกํ อฏฺฐมํ ฯ
___________
๙ คหปติชาตกํ