[๑๔๗] นยิทํ ทุกฺขํ อทุํ ทุกฺขํ ยํ มํ ตุทติ วายโส
ยํ สามา ปุปฺผรตฺเตน กตฺติกํ นานุโภสฺสตีติ ฯ
ปุปฺผรตฺตชาตกํ สตฺตมํ ฯ
___________
#๑ ม. อพฺยยตํ ฯ ๒ ม. วิรตฺตา ฯ ๓ ม. สมุทฺทกากชาตกํ ฯ
๘ สิคาลชาตกํ

[๑๔๘] นาหํ ปุนํ น จ ปุนํ น จาปิ อปุนปฺปุนํ
หตฺถิโพนฺทึ ปเวกฺขามิ ตถา หิ ภยตชฺชิโตติ ฯ
สิคาลชาตกํ อฏฺฐมํ ฯ
___________
๙ เอกปณฺณชาตกํ

[๑๔๙] เอกปณฺโณ อยํ รุกฺโข น ภูมฺยา จตุรงฺคุโล
ผเลน วิสกปฺเปน มหายํ กึ ภวิสฺสตีติ ฯ
เอกปณฺณชาตกํ นวมํ ฯ
____________
๑๐ สญฺชีวชาตกํ

[๑๕๐] อสนฺตํ โย ปคฺคณฺหาติ อสนฺตํ จูปเสวติ
ตเมว ฆาสํ กุรุเต พฺยคฺโฆ สญฺชีวิโก ยถาติ ฯ
สญฺชีวชาตกํ ทสมํ ฯ
กกณฺฏกวคฺโค ๑ ปณฺณรสโม ฯ
____________
ตสฺสุทฺทานํ
สุขเมธติ ทณฺฑวโร จ ปุน
ลสิ วาลธิ ปญฺจมราธวโร
#๑ ม. ปาปเสวนวคฺโค ฯ
สมโหทธิ กตฺติก โพนฺทิ ปุน
จตุรงฺคุล พฺยคฺฆวเรน ทส ฯ
___________
ตตฺร วคฺคุทฺทานํ ภวติ ๑ ฯ
[๒]
อปณฺณกํ สีลวคฺค กุรุงฺค
กุลาวกํ อตฺถกาเมน ปญฺจมํ
อาสึโส อิตฺถี วรุณํ อปายิ
ลิตฺตวคฺเคน เต ทส
ปโรสตํ หํสิ สริกฺขํ ๓ อสมฺปทํ
ปาปเสวิวคฺโค ๔ เอกนิปาตมฺหิลงฺกตํ ฯ
เอกนิปาตํ นิฏฺฐิตํ ฯ
___________
#๑ ม. อิเม ปาฐา นตฺถิ ฯ ๒ ม. อถวา วคฺคุทฺทานํ ฯ ๓ ม. หํจิ กุสนาฬี ฯ
#๔ ม. กกณฺฏกวคฺโค ฯ
ทุกนิปาตชาตกํ
๑ ทฬฺหวคฺโค
๑ ราโชวาทชาตกํ

[๑๕๑] ทฬฺหํ ทฬฺหสฺส ขิปติ พลฺลิโก มุทุนา มุทุํ
สาธุมฺปิ สาธุนา เชติ อสาธุมฺปิ อสาธุนา
เอตาทิโส อยํ ราชา มคฺคา อุยฺยาหิ สารถิ ฯ

[๑๕๒] อกฺโกเธน ชิเน โกธํ อสาธธ สาธุนา ชิเน
ชิเน กทริยํ ทาเนน สจฺเจนาลิกวาทินํ
เอตาทิโส อยํ ราชา มคฺคา อุยฺยาหิ สารถีติ ฯ
ราโชวาทชาตกํ ปฐมํ ฯ
___________
๒ สิคาลชาตกํ

[๑๕๓] อสเมกฺขิตกมฺมนฺตํ ตุริตาภินิปาตินํ
ตานิ ๑ กมฺมานิ ตปฺเปนฺติ อุณฺหํ วชฺโฌหิตํ มุเข ฯ

[๑๕๔] สีโห จ สีหนาเทน ททฺทรํ อภินาทยิ
สุตฺวา สีหสฺส นิคฺโฆสํ สิคาโล ททฺทเร วสํ
ภีโต สนฺตาสมาปาทิ หทยญฺจสฺส อปฺผลีติ ฯ
สิคาลชาตกํ ทุติยํ ฯ
#๑ สี. ม. สานิ ฯ
๓ สูกรชาตกํ

[๑๕๕] จตุปฺปโท อหํ สมฺม ตฺวมฺปิ สมฺม จตุปฺปโท
เอหิ สมฺม ๑ นิวตฺตสฺสุ กินฺนุ ภีโต ปลายสิ ฯ

[๑๕๖] อสุจิ ปูติโลโมสิ ทุคฺคนฺโธ วาสิ สูกร
สเจ ยุชฺฌิตุกาโมสิ ชยํ สมฺม ททามิ เตติ ฯ
สูกรชาตกํ ตติยํ ฯ
___________
๔ อุรคชาตกํ