[๑๒๗] เต เทสา ตานิ วตฺถูนิ อหญฺจ วนโคจโร
อนุวิจฺจ โข ตํ คเณฺหยฺยุํ ปิว ขีรํ กลณฺฑุกาติ ฯ
กลณฺฑุกชาตกํ สตฺตมํ ฯ
___________
๘ มูสิกชาตกํ ๒

[๑๒๘] โย เว ธมฺมทฺธชํ กตฺวา นิคุโยฺห ปาปมาจเร
วิสฺสาสยิตฺวา ภูตานิ พิฬารนฺนาม ตํ วตนฺติ ฯ
มูสิกชาตกํ อฏฺฐมํ ฯ
___________
๙ อคฺคิกชาตกํ ๓

[๑๒๙] นายํ สิขา ปุญฺญเหตุ ฆาสเหตุ อยํ สิขา
นงฺคุฏฺฐคณนํ ยาติ อลนฺเต โหตุ อคฺคิกาติ ฯ
อคฺคิกชาตกํ นวมํ ฯ
#๑ ม. ตเทเวกสฺส ฯ ๒ สี. พิฬารชาตกํ ฯ ม. พิฬารวตชาตกํ ฯ
#๓ ม. อคฺคิกภารทฺวาชชาตกํ ฯ
๑๐ โกสิยชาตกํ

[๑๓๐] ยถา วาจา จ ภุญฺชสฺสุ ยถา ภุตฺตญฺจ พฺยาหร
อุภยนฺเต น สเมติ วาจา ภุตฺตญฺจ โกสิเยติ ฯ
โกสิยชาตกํ ทสมํ ฯ
กุสนาฬิวคฺโค ๑ เตรสโม ฯ
___________
ตสฺสุทฺทานํ
กุสนาฬิสิริวฺหยโน จ ยสํ
ทธิมมฺพกฏาหกปญฺจมโก
อถ ปาปสขิรพิฬารวตํ
สิขิโกสิยสวฺหยเนน ทส ฯ
___________
๑๔ อสมฺปทานวคฺโค
๑ อสมฺปทานชาตกํ

[๑๓๑] อสมฺปทาเนนิตรีตรสฺส
พาลสฺส มิตฺตานิ กลี ภวนฺติ
ตสฺมา หรามิ ภุสมฑฺฒมานํ
มา เม มิตฺติ ภิชฺชิตฺถ ๒ สสฺสตายนฺติ ฯ
อสมฺปทานชาตกํ ปฐมํ ฯ
#๑ ม. สริกฺขวคฺโค ฯ ๒ ม. ชียิตฺถ ฯ
๒ ปญฺจภีรุกชาตกํ ๑

[๑๓๒] กุสลูปเทเส ธิติยา ทฬฺหาย จ
อวตฺถิตตฺตา ๒ ภยภีรุตาย จ
น รกฺขสีนํ วสมาคมิมฺห เส
ส โสตฺถิภาโว มหตา ภเยน เมติ ฯ
ปญฺจภีรุกชาตกํ ทุติยํ ฯ
___________
๓ ฆตาสนชาตกํ

[๑๓๓] เขมํ ยหึ ตตฺถ อรี อุทีริโต
ทกสฺส มชฺเฌ ชลเต ฆตาสโน
น อชฺช วาโส มหิยา มหีรุเห
ทิสา ภชโวฺห สรณชฺช โน ภยนฺติ ฯ
ฆตาสนชาตกํ ตติยํ ฯ
___________
๔ ฌานโสธนชาตกํ

[๑๓๔] เย สญฺญิโน เตปิ ทุคฺคตา
เยปิ อสญฺญิโน เตปิ ทุคฺคตา
เอตํ อุภยํ วิวชฺชย
#๑ ม. ภีรุกชาตกํ ฯ สี. ยุ. ปญฺจครุก … ฯ ๒ ม. อนิวตฺติตตฺตา ฯ
ตํ สมาปตฺติสุขํ อนงฺคณนฺติ ฯ
ฌานโสธนชาตกํ จตุตฺถํ ฯ
___________
๕ จนฺทาภชาตกํ

[๑๓๕] จนฺทาภํ สุริยาภญฺจ โยธ ปญฺญาย คาธติ
อวิตกฺเกน ฌาเนน โหติ อาภสฺสรูปโคติ ฯ
จนฺทาภชาตกํ ปญฺจมํ ฯ
___________
๖ สุวณฺณหํสชาตกํ

[๑๓๖] ยํ ลทฺธํ เตน ตุฏฺฐพฺพํ อติโลโภ หิ ปาปโก
หํสราชํ คเหตฺวาน สุวณฺณา ปริหายตีติ ฯ
สุวณฺณหํสชาตกํ ฉฏฺฐํ ฯ
___________
๗ พพฺพุชาตกํ