[๑๐๗] สาธุ โข สิปฺปกนฺนาม อปิ ยาทิสกีทิสํ
ปสฺส ขญฺชปฺปหาเรน ลทฺธา คามา จตุทฺทิสาติ
สาลิตฺตกชาตกํ สตฺตมํ ฯ
___________
๘ พาหิยชาตกํ

[๑๐๘] สิกฺเขยฺย สิกฺขิตพฺพานิ สนฺติ ตจฺฉนฺทิโน ๑ ชนา
พาหิยาปิ ๒ สุหนฺเนน ราชานํ อภิราธยีติ ฯ
พาหิยชาตกํ อฏฺฐมํ ฯ
___________
๙ กุณฺฑกปูวชาตกํ

[๑๐๙] ยถนฺโน ปุริโส โหติ ตถนฺนา ตสฺส เทวตา
อาหเรตํ กุณฺฑปูวํ ๓ มา เม ภาคํ วินาสยาติ ฯ
กุณฺฑปูวชาตกํ นวมํ ฯ
___________
๑๐ สพฺพสํหารกปโญฺห

[๑๑๐] สพฺพสํหารโก นตฺถิ สุทฺธํ กงฺคุ ปวายติ
อลิกํ ภาสติยํ ๔ ธุตฺตี สจฺจมาหุ มหลฺลิกาติ ฯ
สพฺพสํหารกปโญฺห ทสโม ฯ
ปโรสตวคฺโค เอกาทสโม ฯ
#๑ สี. ยุ. พจฺฉนฺทิโน ฯ ๒ ม. … หิ ฯ ๓ สี. ยุ. กณํ ปูวํ ฯ ๔ ม. ภายติยํ ฯ
ตสฺสุทฺทานํ
สปโรสตตายิตเวรี ปุน
ภมจกฺกถนาคสิริวฺหยโน
สุขกญฺจ วต สิปฺปกพาหิยา
กุณฺฑปูวมหลฺลิกกา จ ทส ฯ
___________
๑๒ หํสิวคฺโค ๑
๑ คทฺรภปญฺโห

[๑๑๑] หํสิ ๒ ตุวํ เอวํ มญฺญสิ เสยฺโย
ปุตฺเตน ปิตาติ ราช เสฏฺฐ
หนฺทสฺสตรสฺส เต อยํ
อสฺสตรสฺส หิ คทฺรโภ ปิตาติ ฯ
คทฺรภปโญฺห ปฐโม ฯ
___________
๒ อมราเทวีปโญฺห

[๑๑๒] เยน สตฺตุวิลงฺคา จ
ทคุณปลาโส จ ปุปฺผิโต
เยนาทามิ ๓ เตน วทามิ
เยน นาทามิ ๔ น เตน วทามิ
#๑ ม. หํจิวคฺโค ฯ ๒ ม. หํจิ ฯ เอวมุปริปิ ฯ ๓ ม. เยน ททามิ ฯ
#๔ ม. เยน น ททามิ ฯ
เอส มคฺโค ยวมชฺฌกสฺส
เอตํ ฉนฺนปถํ วิชานาหีติ ฯ
อมราเทวีปโญฺห ทุติโย ฯ
____________
๓ สิคาลชาตกํ ๑

[๑๑๓] สทฺทหาสิ สิคาลสฺส สุราปิตสฺส พฺราหฺมณ
สิปฺปิกานํ สตํ นตฺถิ กุโต กํสสตา ทุเวติ ฯ
สิคาลชาตกํ ตติยํ ฯ
___________
๔ มิตจินฺติชาตกํ

[๑๑๔] พหุจินฺตี อปฺปจินฺตี จ ๒ อุโภ ชาเล อพชฺฌเร
มิตจินฺตี อโมเจสิ อุโภ ตตฺถ สมาคตาติ ฯ
มิตจินฺติชาตกํ จตุตฺถํ ฯ
____________
๕ อนุสาสิกชาตกํ ๓

[๑๑๕] ยายญฺญมนุสาสติ สยํ โลลุปฺปจารินี
สายํ วิปกฺขิกา เสติ หตา จกฺเกน สาลิกาติ ฯ
อนุสาสิกชาตกํ ปญฺจมํ ฯ
____________
#๑ ม สพฺพตฺถ สิงฺคาล … ฯ ๒ ม. จสทฺโท นตฺถิ ฯ ๓ ม. โลลสาลิกชาตกํ ฯ
๖ ทุพฺพจชาตกํ

[๑๑๖] อติกรมกราจริย มยฺหมฺเปตํ น รุจฺจติ
จตุตฺเถ ลิงฺฆยิตฺวาน ๑ ปญฺจมายสิ อาวุโตติ ฯ
ทุพฺพจชาตกํ ฉฏฺฐํ ฯ
___________
๗ ติตฺติรชาตกํ