[๙๗] ชีวกญฺจ มตํ ทิสฺวา ธนปาลิญฺจ ทุคฺคตํ
ปนฺถกญฺจ วเน มูฬฺหํ ปาปโก ปุนราคโตติ ฯ
นามสิทฺธิชาตกํ สตฺตมํ ฯ
___________
#๑ โลมหํสชาตกญฺเจว มหาสุทสฺสนชาตกญฺจ สี. โปตฺถเก น ทิสฺสนฺติ ฯ ๒ สี. ม.
#อิทํ นตฺถิ ฯ
๘ กูฏวาณิชชาตกํ

[๙๘] สาธุ โข ปณฺฑิโต นาม น เตฺวว อติปณฺฑิโต
อติปณฺฑิเตน ปุตฺเตน มนมฺหิ อุปกุฏฺฐิโตติ ๑ ฯ
กูฏวาณิชชาตกํ อฏฺฐมํ ฯ
___________
๙ ปโรสหสฺสชาตกํ

[๙๙] ปโรสหสฺสมฺปิ สมาคตานํ
กนฺเทยฺยุ เต วสฺสสตํ อปญฺญา
เอโกว เสยฺโย ปุริโส สปญฺโญ
โย ภาสิตสฺส วิชานาติ อตฺถนฺติ ฯ
ปโรสหสฺสชาตกํ นวมํ ฯ
___________
๑๐ อสาตรูปชาตกํ

[๑๐๐] อสาตํ สาตรูเปน ปิยรูเปน อปฺปิยํ
ทุกฺขํ สุขสฺส รูเปน ปมตฺตมติวตฺตตีติ ฯ
อสาตรูปชาตกํ ทสมํ ฯ
ลิตฺตวคฺโค ทสโม ฯ
มชฺฌิมปณฺณาสโก ฯ
___________
#๑ ม. ธนมฺหิ อุปกูฏิโต ฯ
ตสฺสุทฺทานํ
คิลมกฺข กุตูหล มาตุกสฺสา
มุนินา จ อนิจฺจต ปตฺตวรํ
ธนปาลิวโร อติปณฺฑิตโก
สปโรสหสฺส อสาต ทส ฯ
___________
๑๑ ปโรสตวคฺโค
๑ ปโรสตชาตกํ

[๑๐๑] ปโรสตํ เวปิ ๑ สมาคตานํ
ฌาเยยฺยุ เต วสฺสสตํ อปญฺญา
เอโกว เสยฺโย ปุริโส สปญฺโญ
โย ภาสิตสฺส วิชานาติ อตฺถนฺติ ฯ
ปโรสตชาตกํ ปฐมํ ฯ
___________
๒ ปณฺณิกชาตกํ

[๑๐๒] โย ทุกฺขผุฏฺฐาย ภเวยฺย ตาณํ
โส เม ปิตา ทุพฺภิ ๒ วเน กโรติ
สา กสฺส กนฺทามิ วนสฺส มชฺเฌ
โย ตายิตา โส สหสา ๓ กโรตีติ ฯ
ปณฺณิกชาตกํ ทุติยํ ฯ
#๑ ม. ปโรสตญฺเจปิ ฯ ๒ สี. ยุ. ทูภิ ฯ ๓ ม. สหสํ ฯ
๓ เวริชาตกํ

[๑๐๓] ยตฺถ เวรึ นิวึสติ ๑ น วเส ตตฺถ ปณฺฑิโต
เอกรตฺตํ ทฺวิรตฺตํ วา ทุกฺขํ วสติ เวริสูติ ฯ
เวริชาตกํ ตติยํ ฯ
___________
๔ มิตฺตวินฺทชาตกํ ๒

[๑๐๔] จตุพฺภิ อฏฺฐชฺฌคมา อฏฺฐาภิปิ จ โสฬส
โสฬสาภิ จ พตฺตึส อตฺริจฺฉํ จกฺกมาสโท
อิจฺฉาหตสฺส โปสสฺส จกฺกํ ภมติ มตฺถเกติ ฯ
มิตฺตวินฺทชาตกํ จตุตฺถํ ฯ
___________
๕ ทุพฺพลกฏฺฐชาตกํ

[๑๐๕] พหุมฺเปตํ วเน กฏฺฐํ วาโต ภญฺชติ ทุพฺพลํ
ตสฺส เจ ภายสิ นาค กีโส นูน ภวิสฺสสีติ ฯ
ทุพฺพลกฏฺฐชาตกํ ปญฺจมํ ฯ
____________
๖ อุทญฺจนีชาตกํ

[๑๐๖] สุขํ วต มํ ชีวนฺตํ ปจมานา อุทญฺจนี
โจรี ชายปฺปวาเทน เตลํ โลณญฺจ ยาจตีติ ฯ
อุทญฺจนีชาตกํ ฉฏฺฐํ ฯ
#๑ ม. นิวิสติ ฯ ๒ ม. มิตฺตวินฺทกชาตกํ ฯ
๗ สาลิตฺตกชาตกํ