[๔๔๒] ๔ อาตุรํ อสุจึ ปูตึ ปสฺส นนฺเท สมุสฺสยํ
อสุภาย จิตฺตํ ภาเวหิ เอกคฺคํ สุสมาหิตํ ฯ
ยถา อิทํ ตถา เอตํ ยถา เอตํ ตถา อิทํ
ทุคฺคนฺธํ ปูติกํ วาติ พาลานํ อภินนฺทิตํ ฯ
เอวเมตํ อเวกฺขนฺตี รตฺตินฺทิวมตนฺทิตา
ตโต สกาย ปญฺญาย อภินิพฺพิชฺช ทกฺขิสํ ฯ
ตสฺสา เม อปฺปมตฺตาย วิจินนฺติยา โยนิโส
ยถาภูตํ อยํ กาโย ทิฏฺโฐ สนฺตรพาหิโร ฯ
อถ นิพฺพินฺทหํ กาเย อชฺฌตฺตญฺจ วิรชฺชหํ
อปฺปมตฺตา วิสํยุตฺตา อุปสนฺตมฺหิ นิพฺพุตา ฯ
นนฺทา ๑ ฯ

[๔๔๓] ๕ อคฺคึ จนฺทญฺจ สุริยญฺจ ๒ เทวตา จ นมสฺสิหํ
นทีติตฺถานิ คนฺตฺวาน อุทกํ โอรุหามิหํ ฯ
#๑ ม. สุนฺทฺรีนนฺทา ฯ ๓ ม. ยุ. สูริยญฺจ ฯ
พหูวตสมาทานา อฑฺฒํ สีสสฺส โอลิขึ
ฉมาย เสยฺยํ กปฺเปมิ รตฺติภตฺตํ น ภุญฺชิหํ ฯ
วิภูสมณฺฑนรตา นฺหาปนจฺฉาทเนหิ จ
อุปกาสึ อิมํ กายํ กามราเคน อทฺธิตา ๑ ฯพ
ตโต สทฺธํ ลภิตฺวาน ปพฺพชึ อนคาริยํ
ทิสฺวา กายํ ยถาภูตํ กามราโค สมูหโต ฯ
สพฺเพ ภวา สมุจฺฉินฺนา อิจฺฉา จ ปตฺถนา ปิ จ
สพฺพโยควิสํยุตฺตา สนฺตึ ปาปุณึ เจตโส ฯ
นนฺทุตฺตรา เถรี ฯ

[๔๔๔] ๖ สทฺธาย ปพฺพชิตฺวาน อคารสฺมา อนคาริยํ
วิจริหํ เตน เตน ลาภสกฺการอุสฺสุกา ฯ
ริญฺจิตฺวา ปรมํ อตฺถํ หีนมตฺถํ อเสวิหํ
กิเลสานํ วสํ คนฺตฺวา สามญฺญตฺถํ นิรชฺชิหํ ๒ ฯ
ตสฺสา เม อหุ สํเวโค นิสินฺนาย วิหารเก
อุมฺมคฺคปฏิปนฺนมฺหิ ตณฺหาย วสมาคตา ฯ
อปฺปกํ ชีวิตํ มยฺหํ ชรา พฺยาธิ จ มทฺทติ
ปุรายํ ภิชฺชติ กาโย น เม กาโล ปมชฺชิตุํ ฯ
ยถาภูตมเวกฺขนฺตี ขนฺธานํ อุทยพฺพยํ
วิมุตฺตจิตฺตา อุฏฺฐาสึ กตํ พุทฺธสฺส สาสนํ ฯ
มิตฺตกาลี ๓ ฯ
#๑ ม. อฏฺฏิตา ฯ ยุ. อทฺทิตา ฯ ๒ ม. น พุชฺฌิหํ ฯ ๓ ม. มิตฺตากาฬี ฯ

[๔๔๕] ๗ อคารสฺมึ วสนฺตีหํ ธมฺมํ สุตฺวาน ภิกฺขุโน
อทฺทสํ วิรชํ ธมฺมํ นิพฺพานํ ปทมจฺจุตํ ฯ
สาหํ ปุตฺตํ ธีตรญฺจ ธนธญฺญญฺจ ฉฑฺฑิย
เกเส เฉทาปยิตฺวาน ปพฺพชึ อนคาริยํ ฯ
สิกฺขมานา อหํ สนฺตี ภาเวนฺตี มคฺคมญฺชสํ
ปหาสึ ราคโทสญฺจ ตเทกฏฺเฐ จ อาสเว ฯ
ภิกฺขุนี อุปสมฺปชฺช ปุพฺพชาติมนุสฺสรึ
ทิพฺพจกฺขุํ วิโสธิตํ วิมลํ สาธุภาวิตํ ฯ
สงฺขาเร ปรโต ทิสฺวา เหตุชาเต ปโลกิเน
ปหาสึ อาสเว สพฺเพ สีติภูตมฺหิ นิพฺพุตา ฯ
สกุลา ฯ

[๔๔๖] ๘ ทส ปุตฺเต วิชายิตฺวา อสฺมึ รูปสมุสฺสเย
ตโตหํ ทุพฺพลา ชิณฺณา ภิกฺขุนึ อุปสงฺกมึ ฯ
สา เม ธมฺมมเทเสสิ ขนฺธายตนธาตุโย
ตสฺสา ธมฺมํ สุณิตฺวาน เกเส เฉตฺวาน ปพฺพชึ ฯ
ตสฺสา เม สิกฺขมานาย ทิพฺพจกฺขุํ วิโสธิตํ
ปุพฺเพนิวาสํ ชานามิ ยตฺถ เม วุสิตํ ปุเร ฯ
อนิมิตฺตญฺจ ภาเวมิ เอกคฺคา สุสมาหิตา
อนนฺตราวิโมกฺขาสึ อนุปาทาย นิพฺพุตา ฯ
ปญฺจกฺขนฺธา ปริญฺญาตา ติฏฺฐนฺติ ฉินฺนมูลกา
ธิ ตวตฺถุ ชเร ชมฺเม นตฺถิทานิ ปุนพฺภโว ฯ
โสณา ฯ

[๔๔๗] ๙ ลูนเกสี ปงฺกธรี เอกสาฏี ปุเร จรึ
อวชฺเช วชฺชมตินี วชฺเช จาวชฺชทสฺสินี
ทิวาวิหารา นิกฺขมฺม คิชฺฌกูฏมฺหิ ปพฺพเต
อทฺทสํ วิรชํ พุทฺธํ ภิกฺขุสงฺฆปุรกฺขตํ
นิหจฺจ ชานน วนฺทิตฺวา สมฺมุขา อญฺชลี ๑ อหํ ฯ
เอหิ ภทฺเทติ อวจ สา เม อาสูปสมฺปทา ฯ
จิณฺณา องฺคา จ มคธา วชฺชี กาสี จ โกสลา
อนณา ปณฺณาสวสฺสานิ รฏฺฐปิณฺฑํ อภุญฺชิหํ ฯ
ปุญฺญํ จ ปสวิ ๒ พหุํ สปฺปญฺโญยํ ๓ อุปาสโก
โย ภทฺทาย จีวรมทาสิ มุตฺตาย ๔ สพฺพคนฺเถหิ ฯ
ภทฺทา กุณฺฑลา ๕ ฯ

[๔๔๘] ๑๐ นงฺคเลหิ กสํ เขตฺตํ พีชานิ ปวปํ ฉมา
ปุตฺตทารานิ โปเสนฺตา ธนํ วินฺทนฺติ มาณวา ฯ
กิมหํ สีลสมฺปนฺนา สตฺถุ สาสนการิกา
นิพฺพานํ นาธิคจฺฉามิ อกุสีตา อนุทฺธตา ฯ
ปาเท ปกฺขาลยิตฺวาน อุทเกสุ กโรมหํ
#๑ ม. อญฺชลึ ฯ ยุ. ปญฺชลี ฯ ๒ ยุ. ปสวึ ฯ ๓ โป. ม. วตายํ อุปาสโก ฯ
#ยุ. สปฺปญฺโญ วตายมุปาสโก ฯ ๔ ม. วิปฺปมุตฺตาย ฯ ๕ ม. ภทฺทา กุณฺฑลเกสา ฯ
ปาโททกญฺจ ทิสฺวาน ถลโต นินฺนมาคตํ
ตโต จิตฺตํ สมาเธสึ ๑ อสฺโส ๒ ภโทฺรว ชานิโย ฯ
ตโต ทีปํ คเหตฺวาน วิหารํ ปาวิสึ อหํ
เสยฺยํ โอโลกยิตฺวาน มญฺจกมฺหิ อุปาวิสึ ฯ
ตโต สูจึ คเหตฺวาน วฏฺฏึ โอกสฺสยามหํ
ปชฺโชตสฺเสว ๓ นิพฺพานํ วิโมกฺโข อหุ เจตโส ฯ
ปฏาจารา ฯ

[๔๔๙] ๑๑ มุสลานิ คเหตฺวาน ธญฺญํ โกฏฺเฏนฺติ มาณวา
ปุตฺตทารานิ โปเสนฺตา ธนํ วินฺทนฺติ มาณวา ฯ
กโรถ พุทฺธสาสนํ ยํ กตฺวา นานุตปฺปติ
ขิปฺปํ ปาทานิ โธวิตฺวา เอกมนฺเต นิสีทถ
เจโตสมถมนุยุตฺตา กโรถ พุทฺธสาสนํ ฯ
ตสฺสา ตา วจนํ สุตฺวา ปฏาจาราย สาสนํ
ปาเท ปกฺขาลยิตฺวาน เอกมนฺตํ อุปาวิสุํ
เจโตสมถมนุยุตฺตา อกํสุ พุทฺธสาสนํ ฯ
รตฺติยา ปุริเม ยาเม ปุพฺพชาติมนุสฺสรุํ
รตฺติยา มชฺฌิเม ยาเม ทิพฺพจกฺขุํ วิโสธยุํ
รตฺติยา ปจฺฉิเม ยาเม ตโมกฺขนฺธํ ปทาลยุํ ฯ
อุฏฺฐาย ปาเท วนฺทึสุ กตา เต อนุสาสนี
#๑ ยุ. สมาเธมิ ฯ ๒ ม. ยุ. อสฺสํ ภทฺรํวชานิยํ ฯ ๓ ยุ. ปทีปสฺเสว ฯ
อินฺทํว เทวา ติทสา สงฺคาเม อปราชิตํ
ปุรกฺขิตฺวา วิหริสฺสาม ๑ เตวิชฺชมฺหา อนาสวา ฯ
อิตฺถํ สุทํ ตึสมตฺตา เถรี ภิกฺขุนิโย ปฏาจาราย
สนฺติเก อญฺญํ พฺยากรึสุ ฯ

[๔๕๐] ๑๒ ทุคฺคตาหํ ปุเร อาสึ วิธวา จ อปุตฺติกา
วินา มิตฺเตหิ ญาตีหิ ภตฺตโจลสฺส นาธิคํ ฯ
ปตฺตํ ทณฺฑํ จ คณฺหิตฺวา ภิกฺขมานา กุลา กุลํ
สีตุเณฺหน จ ฑยฺหนฺตี สตฺต วสฺสานิ จาริหํ ฯ
ภิกฺขุนึ ปุน ทิสฺวาน อนฺนปานสฺส ลาภินึ
อุปสงฺกมฺม อโวจํ ปพฺพชึ อนคาริยํ ฯ
สา จ มํ อนุกมฺปาย ปพฺพาเชสิ ปฏาจารา
ตโต มํ โอวทิตฺวาน ปรมตฺเถ นิโยชยิ ฯ
ตสฺสาหํ วจนํ สุตฺวา อกาสึ อนุสาสนึ
อโมโฆ อยฺยาย โอวาโท เตวิชฺชมฺหิ อนาสวา ฯ
จนฺทา ฯ
ปญฺจกนิปาโต สมตฺโต ฯ
_________________
เถรีคาถาย ฉกฺกนิปาโต

[๔๕๑] ๑ ยสฺส มคฺคํ น ชานาสิ อาคตสฺส คตสฺส วา
#๑ ยุ. วิหิสฺสาม ฯ
ตํ กุโต อาคตํ ปุตฺตํ มม ปุตฺโตติ โรทสิ ฯ
มคฺคญฺจ โขสฺส ชานาสิ อาคตสฺส คตสฺส วา
น นํ สมนุโสเจสิ เอวํ ธมฺมา หิ ปาณิโน ฯ
อยาจิโต ตโตคจฺฉิ อนนุญฺญาโต ๑ อิโต คโต
กุโตปิ นูน อาคนฺตฺวา วสิตฺวา กติปาหกํ ฯ
อิโตปิ อญฺเญนาคโต ตโต อญฺเญน คจฺฉติ
เปโต มนุสฺสรูเปน สํสรนฺโต คมิสฺสติ
ยถาคโต ตถา คโต กา ตตฺถ ปริเทวนา ฯ
อพฺพุยฺหิ ๒ วต เม สลฺลํ ทุทฺทสํ หทยนิสฺสิตํ
ยา เม โสกปเรตาย ปุตฺตโสกํ พฺยปานุทิ ฯ
สาชฺช อพฺพูฬฺหสลฺลาหํ นิจฺฉาตา ปรินิพฺพุตา
พุทฺธํ ธมฺมญฺจ สงฺฆญฺจ อุเปมิ สรณํ มุนึ ฯ
ปญฺจสตา ปฏาจารา ฯ