[๔๐๒] ๑ สุขํ สุปาหิ เถริเก กตฺวา โจเฬน ปารุตา
อุปสนฺโต หิ เต ราโค สุกฺขฑากํว กุมฺภิยํ ฯ
อิตฺถํ สุทํ อญฺญตรา เถรี อปญฺญาตา ภิกฺขุนี คาถํ อภาสิตฺถาติ ฯ

[๔๐๓] ๒ มุตฺเต มุญฺจสฺสุ ๒ โยเคหิ จนฺโท ราหุคฺคโห อิว
วิปฺปมุตฺเตน จิตฺเตน อนณา ภุญฺชาหิ ปิณฺฑกํ ฯ
อิตฺถํ สุทํ ภควา มุตฺตํ สิกฺขมานํ อิมาย คาถาย อภิณฺหํ
โอวทติ ๓ ฯ

[๔๐๔] ๓ ปุณฺเณ ปูรสฺสุ ธมฺเมหิ จนฺโท ปณฺณรเสริว
ปริปุณฺณาย ปญฺญาย ตโมกฺขนฺธํ ปทาลย ๕ ฯ
ปุณฺณา ๔ ฯ

[๔๐๕] ๔ ติสฺเส สิกฺขสฺสุ สิกฺขาย มา ตํ โยคา อุปจฺจคุํ
สพฺพโยควิสํยุตฺตา จร โลเก อนาสวา ฯ
ติสฺสา ๕ ฯ
#๑ ม. สพฺพตฺถ คาถาปริโยสาเน อิติสทฺโท ทิสฺสติ ฯ ๒ ม. ยุ. มุจฺจสฺสุ ฯ
#๓ ม. โอวทตีติ ฯ ๔ ม. อิตฺถํ สุทํ-เถรี คาถํ อภาสิตฺถาติ ฯ ๕ ม. ติสฺสาเถรี ฯ
#สพฺพตฺถ อีทิสฏฺฐาเน เถรีติ ปาโฐ ทิสฺสติ ฯ

[๔๐๖] ๕ ติสฺเส ยุญฺชสฺสุ ธมฺเมหิ ขโณ ตํ มา อุปจฺจคา
ขณาตีตา หิ โสจนฺติ นิรยมฺหิ สมปฺปิตา ฯ
อญฺญตรา ติสฺสา ฯ

[๔๐๗] ๖ ธีเร นิโรธํ ผุเสหิ สญฺญาวูปสมํ สุขํ
อาราธเยหิ ๑ นิพฺพานํ โยคกฺเขมํ อนุตฺตรํ ฯ
ธีรา ฯ

[๔๐๘] ๗ ธีรา ธีเรหิ ธมฺเมหิ ภิกฺขุนี ภาวิตินฺทฺริยา
ธาเรหิ อนฺติมํ เทหํ เชตฺวา มารํ สวาหนํ ฯ
อญฺญตรา ธีรา ฯ

[๔๐๙] ๘ สทฺธาย ปพฺพชิตฺวาน มิตฺเต มิตฺตรตา ภว
ภาเวหิ กุสเล ธมฺเม โยคกฺเขมสฺส ปตฺติยา ฯ
มิตฺตา ฯ

[๔๑๐] ๙ สทฺธาย ปพฺพชิตฺวาน ภเทฺร ภทฺรรตา ภว
ภาเวหิ กุสเล ธมฺเม โยคกฺเขมํ อนุตฺตรํ ฯ
ภทฺรา ฯ

[๔๑๑] ๑๐ อุปสเม ตเร โอฆํ มจฺจุเธยฺยํ สุทุตฺตรํ
ธาเรหิ อนฺติมํ เทหํ เชตฺวา มารํ สวาหนํ ฯ
อุปสมา ฯ