[๒๔๒] ๕ อุกฺกณฺฐิโตปิ น วเส รมมาโนปิ ปกฺกเม
น เตฺววานตฺถสหิตํ วเส วาสํ วิจกฺขโณติ ฯ
มลิตวมฺโภ เถโร ฯ

[๒๔๓] ๖ สตลิงฺคสฺส อตฺถสฺส สตลกฺขณธาริโน
เอกงฺคทสฺสี ทุมฺเมโธ สตทสฺสี จ ปณฺฑิโตติ ฯ
สุเหมนฺโต เถโร ฯ

[๒๔๔] ๗ ปพฺพชึ ตุลยิตฺวาน อคารสฺมา อนคาริยํ
#๑ ม. ยุ. เพลฏฺฐานิโก ฯ ๒ ม. ยุ. วิเสน ฯ
ติสฺโส วิชฺชา อนุปฺปตฺตา กตํ พุทฺธสฺส สาสนนฺติ ฯ
ธมฺมสํวโร ๑ เถโร ฯ

[๒๔๕] ๘ ส วีสํวสฺสสติโก ปพฺพชึ อนคาริยํ
ติสฺโส วิชฺชา อนุปฺปตฺตา กตํ พุทฺธสฺส สาสนนฺติ ฯ
ธมฺมสฏปิตุเถโร ๒ ฯ

[๒๔๖] ๙ น นูนายํ ปรมหิตานุกมฺปิโน
รโหคโต อนุวิคเณติ สาสนํ
ตถา หยํ วีหรติ ปากตินฺทฺริโย
มิคี ยถา ตรุณชาติกา วเนติ ฯ
สงฺฆรกฺขิโต เถโร ฯ

[๒๔๗] ๑๐ นคา นคคฺเคสุ สุสํวิรูฬฺหา
อุทคฺคเมเฆน นเวน สิตฺตา
วิเวกกามสฺส อรญฺญสญฺญิโน
ชเนติ ภิยฺโย อุสภสฺส กลฺยตนฺติ ฯ
อุสโภ เถโร ฯ
อุทฺทานํ
เพลฏฺฐกานิ ๓ เสตุจฺโฉ พนฺธุโร ขิตโก อิสิ
มลิตวมฺโภ สุเหมนฺโต ธมฺมสํวโร ๔ ธมฺมสฏปิตา
#๑ ม. ยุ. ธมฺมสโว ฯ ๒ ธมฺมสวปิตุเถโรติปิ ฯ ๓ ม. เพลฏฺฐานิโก ฯ ๔ ม. ยุ.
#ธมฺมสโว ธมฺมสวปิตา ฯ
สงฺฆรกฺขิตตฺเถโร จ อุสโภ จ มหามุนีติ ฯ
วคฺโค เอกาทสโม ฯ
__________________
เถรคาถาย เอกนิปาตสฺส ทฺวาทสมวคฺโค

[๒๔๘] ๑ ทุปฺปพฺพชฺชํ เว ทุรธิวาสา เคหา
ธมฺโม คมฺภีโร ทุรธิคมา โภคา
กิจฺฉา วุตฺติ โน อิตรีตเรเนว
ยุตฺตํ จินฺเตตุํ สตตมนิจฺจตนฺติ ฯ
เชนฺโต เถโร ฯ

[๒๔๙] ๒ เตวิชฺโชหํ มหาฌายี เจโตสมถโกวิโท
สทตฺโถ เม อนุปฺปตฺโต กตํ พุทฺธสฺส สาสนนฺติ ฯ
วจฺฉโคตฺโต เถโร ฯ

[๒๕๐] ๓ อจฺโฉทิกา ปุถุสิลา โคนงฺคุลมิคายุตา
อมฺพุเสวาลสญฺฉนฺนา เต เสลา รมยนฺติ มนฺติ ฯ
วนวจฺโฉ เถโร ฯl

[๒๕๑] ๔ กายทุฏฺฐุลฺลครุโน หิยฺยมานมฺหิ ชีวิเต
สรีรสุขคิทฺธสฺส กุโต สมณสาธุตาติ ฯ
อธิมุตฺโต เถโร ฯ