[๑๔๒] ๕ โย ทุทฺทมโย ทเมน ทนฺโต
ทพฺโพ สนฺตุสิโต วิติณฺณกงฺโข
วิชิตาวิ อเปตเภรโว หิ`
ทพฺโพ โส ปรินิพฺพุโต ฐิตตฺโตติ ฯ
อิตฺถํ สุทํ อายสฺมา ทพฺโพ เถโร คาถํ อภาสิตฺถ ฯ

[๑๔๓] ๖ โย สีตวนํ อุปาคา ภิกฺขุ
เอโก สนฺตุสิโต สมาหิตตฺโต
วิชิตาวิ อเปตโลมหํโส
รกฺขํ กายคตาสตึ ธีติมาติ ฯ
อิตฺถํ สุทํ อายสฺมา สีตวนิโย เถโร ๓ ฯ
#๑ ม. ยุ. นิสีเถ ฯ นิสฺสิเวติปิ ฯ ๒ โป. เรวโต ฯ ๓ ม. อิโต ปรํ คาถํ
#อภาสิตฺถาตีติ ทิสฺสติ ฯ สพฺพตฺถ อีทิสเมว ฯ

[๑๔๔] ๗ โย ปานุทิ มจฺจุราชสฺส เสนํ
นฬเสตตว สุทุพฺพลํ มโหโฆ
วิชิตาวิ อเปตเภรโว หิ
ทนฺโต โส ปรินิพฺพุโต ฐิตตฺโตติ ฯ
อิตฺถํ สุทํ อายสฺมา ภลฺลิโย เถโร ฯ

[๑๔๕] ๘ โย ทุทฺทมโย ทเมน ทนฺโต
ธีโร ๑ สนฺตุสิโต วิติณฺณกงฺโข
วิชิตาวิ อเปตโลมหํโส
วีตราโค ๒ ปรินิพฺพุโต ฐิตตฺโตติ ฯ
วีโร เถโร ๓ ฯ

[๑๔๖] ๙ สฺวาคตํ นาปคตํ ๔ นยิทํ ทุมฺมนฺติตํ มม
ปวิภตฺเตสุ ๕ ธมฺเมสุ ยํ เสฏฺฐํ ตทุปาคมินฺติ ฯ
ปิลินฺทวจฺโฉ เถโร ฯ

[๑๔๗] ๑๐ วิหริ อเปกฺขํ อิธ วา หุรํ วา
โย เวทคู สนฺตุสิโต ๖ ยตตฺโต
สพฺเพสุ ธมฺเมสุ อนูปลิตฺโต
โลกสฺส ชญฺญา อุทยพฺพยญฺจาติ ฯ
ปุณฺณมาโส เถโร ฯ
#๑ ม. ยุ. วีโร ฯ ๒ ม. ยุ. วีโร โส ฯ ๓ โป. เถโรติ ฯ ๔ ม. น ทุราคตํ ฯ
#๕ ม. ยุ. สํวิภตฺเตสุ ฯ ๖ ม. ยุ. สมิโต ฯ
อุทฺทานํ
สุภูติ โกฏฺฐิโต ๑ เถโร กงฺขาเรวตปุณฺณโก ๒
มนฺตานิปุตฺโต ทพฺโพ จ สีตวนิโย จ ภลฺลิโย
วีโร ปิลินฺทวจฺโฉ จ ปุณฺณมาโส ตโมนุโทติ ฯ
วคฺโค ปฐโม ฯ
_________________
เถรคาถาย เอกนิปาตสฺส ทุติยวคฺโค

[๑๔๘] ๑ ปามุชฺชพหุโล ภิกฺขุ ธมฺเม พุทฺธปฺปเวทิเต
อธิคจฺเฉ ปทํ สนฺตํ สงฺขารูปสมํ สุขนฺติ ฯ
จูฬวจฺโฉ ๓ เถโร ฯ

[๑๔๙] ๒ ปญฺญาพลี สีลวตูปปนฺโน
สมาหิโต ฌานรโต สตีมา
ยทตฺถิยํ โภชนํ ภุญฺชมาโน
กงฺเขถ ๔ กาลํ อิธ วีตราโคติ ฯ
มหาวจฺโฉ ๕ เถโร ฯ

[๑๕๐] ๓ นีลพฺภวณฺณา รุจิรา สีตวารี สุจินฺธรา
อินฺทโคปกสญฺฉนฺนา เต เสลา รมยนฺติ มนฺติ ฯ
วนวจฺโฉ เถโร ฯ

[๑๕๑] ๔ อุปชฺฌาโย มํ อวจาสิ ๖ อิโต คจฺฉามิ สีวก
#๑ ม. ยุ. โกฏฺฐิโก ฯ ๒ ม. กงฺขาเรวตสมฺมโต ฯ ยุ. กงฺขาเรวตสุพฺพโต ฯ
#๓ ยุ. จูฬควจฺโฉ ฯ ๔ ยุ. กงฺเขต ฯ ๕ ยุ. มหาควจฺโฉ ฯ ๖ ม. อวจ ฯ
คาเม เม วสติ กาโย อรญฺญํ เม คโต มโน๕
เสมานโกปิ คจฺฉามิ นตฺถิ สงฺโค วิชานตนฺติ ฯ
วนวจฺฉสฺส เถรสฺส สามเณโร ฯ