[๔๘๐] ๔๑ ติณฺณํ ภิกฺขเว สมฺมุขีภาวา สทฺโธ กุลปุตฺโต พหห
ปุญฺญํ ปสวติ กตเมสํ ติณฺณํ สทฺธาย ภิกฺขเว สมฺมุขีภาวา
สทฺโธ กุลปุตฺโต พหห ปุญฺญํ ปสวติ เทยฺยธมฺมสฺส ภิกฺขเว
สมฺมุขีภาวา สทฺโธ กุลปุตฺโต พหห ปุญฺญํ ปสวติ ทกฺขิเณยฺยานํ
ภิกฺขเว สมฺมุขีภาวา สทฺโธ กุลปุตฺโต พหห ปุญฺญํ ปสวติ อิเมสํ
โข ภิกฺขเว ติณฺณํ สมฺมุขีภาวา สทฺโธ กุลปุตฺโต พหห ปุญฺญํ
ปสวตีติ ฯ

[๔๘๑] ๔๒ ตีหิ ภิกฺขเว ฐาเนหิ สทฺโธ ปสนฺโน เวทิตพฺโพ
กตเมหิ ตีหิ สีลวนฺตานํ ๑ ทสฺสนกาโม โหติ สทฺธมฺมํ โสตุกาโม
#๑ ยุ. สีลวตํ ฯ
โหติ วิคตมลมจฺเฉเรน เจตสา อคารํ อชฺฌาวสติ มุตฺตจาโค
ปยตปาณิ โวสฺสคฺครโต ยาจโยโค ทานสํวิภาครโต อิเมหิ โข
ภิกฺขเว ตีหิ ฐาเนหิ สทฺโธ ปสนฺโน เวทิตพฺโพติ ฯ
ทสฺสนกาโม สีลวตํ สทฺธมฺมํ โสตุมิจฺฉติ
วิเนยฺย มจฺเฉรมลํ ส เว สทฺโธติ วุจฺจตีติ ฯ

[๔๘๒] ๔๓ ตโย ภิกฺขเว อตฺถวเส สมฺปสฺสมาเนน อลเมว
ปเรสํ ธมฺมํ เทเสตต กตเม ตโย โย ธมฺมํ เทเสติ โส อตฺถปฏิสํเวที
จ โหติ ธมฺมปฏิสํเวที จ โย ธมฺมํ สุณาติ โสฆ
อตฺถปฏิสํเวที จ โหติ ธมฺมปฏิสํเวที จ โย เจว ธมฺมํ เทเสติ
โย จ ธมฺมํ สุณาติ อุโภ อตฺถปฏิสํเวทิโน จ โหนฺติ ธมฺมปฏิสํเวทิโน
จ อิเม โข ภิกฺขเว ตโย อตฺถวเส สมฺปสฺสมาเนน
อลเมว ปเรสํ ธมฺมํ เทเสตุนฺติ ฯ

[๔๘๓] ๔๔ ตีหิ ภิกฺขเว ฐาเนหิ กถา ปวตฺตนี โหติ กตเมหิ
ตีหิ โย ธมฺมํ เทเสติ โส อตฺถปฏิสํเวที จ โหติ ธมฺมปฏิสํเวที
จ โย ธมฺมํ สุณาติ โส อตฺถปฏิสํเวที จ โหติ ธมฺมปฏิสํเวที
จ โย เจว ธมฺมํ เทเสติ โย จ ธมฺมํ สุณาติ อุโภ อตฺถปฏิสํเวทิโน
จ โหนฺติ ธมฺมปฏิสํเวทิโน จ อิเมหิ โข ๑ ภิกฺขเว ตีหิ
ฐาเนหิ กถา ปวตฺตนี โหตีติ ฯ

[๔๘๔] ๔๕ ตีณีมานิ ภิกฺขเว ปณฺฑิตปญฺญตฺตานิ สปฺปุริสปญฺญตฺตานิ
กตมานิ ตีณิ ทานํ ภิกฺขเว ปณฺฑิตปญฺญตฺตํ สปฺปุริสปญฺญตฺตํ
#๑ ยุ. โขสทฺโท นตฺถิ ฯ
ปพฺพชฺชา ภิกฺขเว ปณฺฑิตปญฺญตฺตา สปฺปุริสปญฺญตฺตา
มาตาปิตุนฺนํ ภิกฺขเว อุปฏฺฐานํ ปณฺฑิตปญฺญตฺตํ สปฺปุริสปญฺญตฺตํ
อิมานิ โข ภิกฺขเว ตีณิ ปณฺฑิตปญฺญตฺตานิ สปฺปุริสปญฺญตฺตานีติ ฯ
สพฺภิ ทานํ อุปญฺญตฺตํ อหึสา สญฺญโม ทโม
มาตาปิตุอุปฏฺฐานํ สนฺตานํ พฺรหฺมจารินํ
สตํ เอตานิ ฐานานิ ยานิ เสเวถ ปณฺฑิโต
อริโย ทสฺสนสมฺปนฺโน ส โลกํ ภชเต สิวนฺติ ฯ

[๔๘๕] ๔๖ ยํ ภิกฺขเว สีลวนฺโต ปพฺพชิตา คามํ วา นิคมํ วา
อุปนิสฺสาย วิหรนฺติ ตตฺถ มนุสฺสา ตีหิ ฐาเนหิ พหห ปุญฺญํ
ปสวนฺติ กตเมหิ ตีหิ กาเยน วาจาย มนสา ยํ ภิกฺขเว
สีลวนฺโต ปพฺพชิตา คามํ วา นิคมํ วา อุปนิสฺสาย วิหรนฺติ ตตฺถ
มนุสฺสา อิเมหิ ตีหิ ฐาเนหิ พหห ปุญฺญํ ปสวนฺตีติ ฯ

[๔๘๖] ๔๗ ตีณีมานิ ภิกฺขเว สงฺขตสฺส สงฺขตลกฺขณานิ กตมานิ
ตีณิ อุปฺปาโท ปญฺญายติ วโย ปญฺญายติ ฐิตสฺส อญฺญถตฺตํ
ปญฺญายติ อิมานิ โข ภิกฺขเว ตีณิ สงฺขตสฺส สงฺขตลกฺขณานีติ ฯ

[๔๘๗] ๔๘ ตีณีมานิ ภิกฺขเว อสงฺขตสฺส อสงฺขตลกฺขณานิ กตมานิ
ตีณิ น อุปฺปาโท ปญฺญายติ น วโย ปญฺญายติ น ฐิตสฺส
อญฺญถตฺตํ ปญฺญายติ อิมานิ โข ภิกฺขเว ตีณิ อสงฺขตสฺส
อสงฺขตลกฺขณานีติ ฯ

[๔๘๘] ๔๙ หิมวนฺตํ ภิกฺขเว ปพฺพตราชํ นิสฺสาย มหาสาลา
ตีหิ วฑฺฒีหิ วฑฺฒนฺติ กตมาหิ ๑ ตีหิ สาขาปตฺตปลาเสน วฑฺฒนฺติ
ตจปปฺปฏิกาย วฑฺฒนฺติ เผคฺคุสาเรน วฑฺฒนฺติ หิมวนฺตํ ภิกฺขเว
ปพฺพตราชํ นิสฺสาย มหาสาลา อิมาหิ ตีหิ วฑฺฒีหิ วฑฺฒนฺติ ฯ เอวเมว
โข ภิกฺขเว สทฺธํ กุลปตึ นิสฺสาย อนฺโตชโน ตีหิ วฑฺฒีหิ วฑฺฒติ
กตมาหิ ๒ ตีหิ สทฺธาย วฑฺฒติ สีเลน วฑฺฒติ ปญฺญาย
วฑฺฒติ สทฺธํ ภิกฺขเว กุลปตึ นิสฺสาย อนฺโตชโน อิมาหิ ตีหิ
วฑฺฒีหิ วฑฺฒตีติ ฯ
ยถาปิ ปพฺพโต เสโล อรญฺญสฺมึ พฺรหาวเน
ตํ รุกฺขํ ๓ อุปนิสฺสาย วฑฺฒนฺเตเต วนปฺปตี
ตเถว สีลสมฺปนฺนํ สทฺธํ กุลปตึ อิธ
อุปนิสฺสาย วฑฺฒนฺติ ปุตฺตทารา จ พนฺธวา
อมจฺจา ญาติสงฺฆา จ เยจสฺส อนุชีวิโน ฯ
ตฺยาสฺส สีลวโต สีลํ จาคํ สุจริตานิ จ
ปสฺสมานานุกุพฺพนฺติ เย ๔ ภวนฺติ วิจกฺขณา
อิธ ธมฺมํ จริตฺวาน มคฺคํ สุคติคามินํ
นนฺทิโน เทวโลกสฺมึ โมทนฺติ กามกามิโนติ ฯ

[๔๘๙] ๕๐ ตีหิ ภิกฺขเว ฐาเนหิ อาตปฺปํ กรณียํ กตเมหิ ตีหิ
อนุปฺปนฺนานํ ปาปกานํ อกุสลานํ ธมฺมานํ อนุปฺปาทาย อาตปฺปํ
#๑-๒ ม. ยุ. กตเมหิ ฯ ๓ ม. รุกฺขา ฯ ๔ ม. อตฺตมตฺถํ วิจกฺขณา ฯ
กรณียํ อนุปฺปนฺนานํ กุสลานํ ธมฺมานํ อุปฺปาทาย อาตปฺปํ กรณียํ
อุปฺปนฺนานํ สารีริกานํ เวทนานํ ทุกฺขานํ ติพฺพานํ ขรานํ กฏุกานํ
อสาตานํ อมนาปานํ ปาณหรานํ อธิวาสนาย อาตปฺปํ กรณียํ ๑ ยโต
โข ภิกฺขเว ภิกฺขุ อนุปฺปนฺนานํ ปาปกานํ อกุสลานํ ธมฺมานํ
อนุปฺปาทาย อาตปฺปํ กโรติ อนุปฺปนฺนานํ กุสลานํ ธมฺมานํ อุปฺปาทาย
อาตปฺปํ กโรติ อุปฺปนฺนานํ สารีริกานํ เวทนานํ ทุกฺขานํ ติพฺพานํ
ขรานํ กฏุกานํ อสาตานํ อมนาปานํ ปาณหรานํ อธิวาสนาย อาตปฺปํy
กโรติ อยํ วุจฺจติ ภิกฺขเว ภิกฺขุ อาตาปี นิปโก สโต สมฺมา
ทุกฺขสฺส อนฺตกิริยายาติ ฯ