[๖๗๔] เสยฺยถาปิ ภิกฺขเว เยเกจิ พลกรณียา กมฺมนฺตา
กยิรนฺตีติ วิตฺถาเรตพฺพํ ฯ
#๑ ม. ยุ. อปทา วา … พหุปฺปทา วา ฯ ๒ ยุ. สาโร จ … ฯ ๓ ยุ. จสทฺโท
#นตฺถิ ฯ ๔-๕ ยุ. อปฺปมาทวคฺเค … วิตฺถาเรตพฺพํ ฯ
พลํ พีชญฺจ นาโค จ รุกฺขกุมฺเภน ๑ สุกิยา ๒
อากาเสน จ เทฺว เมฆา นาวา อาคนฺตุกา นที ๓ ฯ
(พลกรณียวคฺโค โพชฺฌงฺคสํยุตฺตสฺส โพชฺฌงฺควเสน วิตฺถาเรตพฺโพ) ฯ
พลกรณียวคฺโค เอกาทสโม ฯ

[๖๗๕] ติสฺโส อิมา ภิกฺขเว เอสนา ฯ กตมา ติสฺโส ฯ
กาเมสนา ภเวสนา พฺรหฺมจริเยสนาติ วิตฺถาเรตพฺพํ ฯ
เอสนา วิธา อาสโว ภโว จ ทุกฺขตา ติสฺโส
ขีลํ มลํ จ นีโฆ จ เวทนา ตณฺหาเยน ๔ จาติ ฯ
(โพชฺฌงฺคสํยุตฺตสฺส เอสนาเปยฺยาลํ วิเวกนิสฺสิตโต วิทูหิ
วิตฺถาเรตพฺพํ) ฯ
เอสนาวคฺโค ทฺวาทสโม ฯ

[๖๗๖] จตฺตาโรเม ภิกฺขเว โอฆา ฯ กตเม จตฺตาโร ฯ
กาโมโฆ ภโวโฆ ทิฏฺโฐโฆ อวิชฺโชโฆติ วิตฺถาเรตพฺพํ ฯ

[๖๗๗] สาวตฺถีนิทานํ ฯ ปญฺจิมานิ ภิกฺขเว อุทฺธมฺภาคิยานิ
สญฺโญชนานิ ฯ กตมานิ ปญฺจ ฯ รูปราโค อรูปราโค มาโน อุทฺธจฺจํ
อวิชฺชา ฯ อิมานิ โข ภิกฺขเว ปญฺจุทฺธมฺภาคิยานิ สญฺโญชนานิ ฯ
อิเมสํ โข ภิกฺขเว ปญฺจนฺนํ อุทฺธมฺภาคิยานํ สญฺโญชนานํ
อภิญฺญาย ปริญฺญาย ปริกฺขยาย ปหานาย สตฺต โพชฺฌงฺคา
ภาเวตพฺพา ฯ กตเม สตฺต ฯ อิธ ภิกฺขเว ภิกฺขุ สติสมฺโพชฺฌงฺคํ
#๑ ม. รุกฺโข กุมฺเภน สูกิยา ฯ เอวมุปริ ฯ ๒ ยุ. สูกิยา ฯ ๓ ยุ. อิติสทฺโท อตฺถิ ฯ
#๔ ม. ตณฺหาตสินาย ฯ ยุ. ตณฺหาตเสน ฯ เอวมุปริ ฯ
ภาเวติ วิเวกนิสฺสิตํ วิราคนิสฺสิตํ นิโรธนิสฺสิตํ โวสฺสคฺคปริณามึ
ฯเปฯ อุเปกฺขาสมฺโพชฺฌงฺคํ ภาเวติ ราควินยปริโยสานํ ๑
โทสวินยปริโยสานํ โมหวินยปริโยสานํ อมโตคธํ อมตปรายนํ
อมตปริโยสานํ นิพฺพานนินฺนํ นิพฺพานโปณํ นิพฺพานปพฺภารํ ฯ อิเมสํ โข
ภิกฺขเว ปญฺจนฺนํ อุทฺธมฺภาคิยานํ สญฺโญชนานํ อภิญฺญาย ปริญฺญาย
ปริกฺขยาย ปหานาย อิเม สตฺต โพชฺฌงฺคา ภาเวตพฺพาติ ฯ
โอโฆ โยโค อุปาทานํ คนฺถา อนุสเยน จ
กามคุณา นีวรณา ขนฺธา อุทฺธมฺภาคิยานีติ ฯ
โอฆวคฺโค เตรสโม ฯ
ฉ ปาจีนโต นินฺนา ฉ นินฺนา จ สมุทฺทโต
เทฺว เต ฉ ทฺวาทส โหนฺติ วคฺโค เตน ปวุจฺจติ ๒ ฯ
(โพชฺฌงฺคสํยุตฺตสฺส คงฺคาเปยฺยาลํ ราควเสน วิตฺถาเรตพฺพํ) ฯ
วคฺโค จุทฺทสโม ฯ
ตถาคตํ ปทํ กูฏํ มูลํ สาเรน วสฺสิกํ
ราชา จนฺทิมสุริยา จ วตฺเถน ทสมํ ปทํ ๓ ฯ
(อปฺปมาทวคฺโค ราควเสน วิตฺถาเรตพฺโพ) ฯ ปณฺณรสโม ฯ
พลํ พีชญฺจ นาโค จ รุกฺขกุมฺเภน สุกิยา ๔
อากาเสน จ เทฺว เมฆา นาวา อาคนฺตุกา นที ๕ ฯ
(โพชฺฌงฺคสํยุตฺตสฺส พลกรณียวคฺโค ราควเสน วิตฺถาเรตพฺโพ) ฯ
โสฬสโม ฯ
#๑ ยุ. วิเวก … วิราค … นิโรธนิสฺสิตํ โวสฺสคฺคปริณามํ ฯ ๒-๓-๕ ม. อิติสทฺโท
#อตฺถิ ฯ ๔ ยุ. สุกียํ ฯ
เอสนา วิธา อาสโว ภโว จ ทุกฺขตา ติสฺโส
ขีลํ มลํ จ นีโฆ จ เวทนา ตณฺหาเยน จ ฯ
โพชฺฌงฺคสํยุตฺตสฺส เอสนาวคฺโค สตฺตรสโม ฯ
โอโฆ โยโค อุปาทานํ คนฺถา อนุสเยน จ
กามคุณา นีวรณา ขนฺธา อุทฺธมฺภาคิยานีติ ฯ
(ราควินยปริโยสานโทสวินยปริโยสานโมหวินยปริโยสานวเสน โอฆวคฺโค
วิตฺถาเรตพฺโพ) ฯ อฏฺฐารสโม ฯ (ยทปิ มคฺคสํยุตฺตํ
วิตฺถาริตํ ๑ ตทปิ โพชฺฌงฺคสํยุตฺตํ วิตฺถาเรตพฺพํ) ฯ
โพชฺฌงฺคสํยุตฺตํ สมตฺตํ ๒ ฯ
______________
#๑ ม. วิตฺถาเรตพฺพํ ฯ ๒ ม. ทุติยํ ฯ
สติปฏฺฐานสํยุตฺตํ
_______
อมฺพปาลิวคฺโค ปฐโม

[๖๗๘] เอวมฺเม สุตํ เอกํ สมยํ ภควา เวสาลิยํ วิหรติ
อมฺพปาลิวเน ฯ ตตฺร โข ภควา ภิกฺขู อามนฺเตสิ ภิกฺขโวติ ฯ
ภทนฺเตติ เต ภิกฺขู ภควโต ปจฺจสฺโสสุํ ฯ ภควา เอตทโวจ ฯ

[๖๗๙] เอกายนฺวายํ ภิกฺขเว มคฺโค สตฺตานํ วิสุทฺธิยา โสกปริเทวานํ
สมติกฺกมาย ทุกฺขโทมนสฺสานํ อตฺถงฺคมาย ญายสฺส
อธิคมาย นิพฺพานสฺส สจฺฉิกิริยาย ฯ ยทิทํ จตฺตาโร สติปฏฺฐานา ฯ
กตเม จตฺตาโร ฯ

[๖๘๐] อิธ ภิกฺขเว ภิกฺขุ กาเย กายานุปสฺสี วิหรติ อาตาปี
สมฺปชาโน สติมา วิเนยฺย โลเก อภิชฺฌาโทมนสฺสํ ฯ เวทนาสุ
เวทนานุปสฺสี วิหรติ อาตาปี สมฺปชาโน สติมา วิเนยฺย โลเก
อภิชฺฌาโทมนสฺสํ ฯ จิตฺเต จิตฺตานุปสฺสี วิหรติ อาตาปี สมฺปชาโน
สติมา วิเนยฺย โลเก อภิชฺฌาโทมนสฺสํ ฯ ธมฺเมสุ ธมฺมานุปสฺสี วิหรติ
อาตาปี สมฺปชาโน สติมา วิเนยฺย โลเก อภิชฺฌาโทมนสฺสํ ฯ

[๖๘๑] เอกายนฺวายํ ภิกฺขเว มคฺโค สตฺตานํ วิสุทฺธิยา
โสกปริเทวานํ สมติกฺกมาย ทุกฺขโทมนสฺสานํ อตฺถงฺคมาย ญายสฺส
อธิคมาย นิพฺพานสฺส สจฺฉิกิริยาย ฯ ยทิทํ จตฺตาโร สติปฏฺฐานาติ ฯ
อิทมโวจ ภควา ฯ อตฺตมนา เต ภิกฺขู ภควโต ภาสิตํ
อภินนฺทุนฺติ ฯ

[๖๘๒] เอกํ สมยํ ภควา เวสาลิยํ วิหรติ อมฺพปาลิวเน ฯ
ตตฺร โข ภควา ภิกฺขู อามนฺเตสิ ภิกฺขโวติ ฯ ภทนฺเตติ เต
ภิกฺขู ภควโต ปจฺจสฺโสสุํ ฯ ภควา เอตทโวจ สโต ภิกฺขเว
ภิกฺขุ วิหเรยฺย สมฺปชาโน อยํ โว อมฺหากํ อนุสาสนีติ ๑ ฯ

[๖๘๓] กถญฺจ ภิกฺขเว ภิกฺขุ สโต โหติ ฯ อิธ ภิกฺขเว
ภิกฺขุ กาเย กายานุปสฺสี วิหรติ อาตาปี สมฺปชาโน สติมา
วิเนยฺย โลเก อภิชฺฌาโทมนสฺสํ ฯ เวทนาสุ ฯเปฯ จิตฺเต ฯ
ธมฺเมสุ ธมฺมานุปสฺสี วิหรติ อาตาปี สมฺปชาโน สติมา วิเนยฺย
โลเก อภิชฺฌาโทมนสฺสํ ฯ เอวํ โข ภิกฺขเว ภิกฺขุ สโต โหติ ฯ