[๕๘๐] สาวตฺถี ฯ อถ โข วจฺฉโคตฺโต ปริพฺพาชโก เยน ภควา
เตนุปสงฺกมิ อุปสงฺกมิตฺวา ภควตา สทฺธึ สมฺโมทิ สมฺโมทนียํ
กถํ สาราณียํ วีติสาเรตฺวา เอกมนฺตํ นิสีทิ ฯ เอกมนฺตํ นิสินฺโน
โข วจฺฉโคตฺโต ปริพฺพาชโก ภควนฺตํ เอตทโวจ โก นุ โข
โภ โคตม เหตุ โก ปจฺจโย ยานีมานิ อเนกวิหิตานิ ทิฏฺฐิคตานิ
โลเก อุปฺปชฺชนฺติ สสฺสโต โลโกติ วา อสสฺสโต
โลโกติ วา ฯเปฯ เนว โหติ น น โหติ ตถาคโต ปรํ
มรณาติ วาติ ฯ รูเป โข วจฺฉ อปฺปจฺจกฺขกมฺมา รูปสมุทเย
อปฺปจฺจกฺขกมฺมา รูปนิโรเธ อปฺปจฺจกฺขกมฺมา รูปนิโรธคามินิยา
ปฏิปทาย อปฺปจฺจกฺขกมฺมา ฯเปฯ

[๕๘๑] สาวตฺถี ฯ เวทนาย โข วจฺฉ อปฺปจฺจกฺขกมฺมา ฯเปฯ
เวทนานิโรธคามินิยา ปฏิปทาย อปฺปจฺจกฺขกมฺมา ฯเปฯ

[๕๘๒] สาวตฺถี ฯ สญฺญาย โข วจฺฉ อปฺปจฺจกฺขกมฺมา ฯเปฯ
สญฺญานิโรธคามินิยา ปฏิปทาย อปฺปจฺจกฺขกมฺมา ฯเปฯ

[๕๘๓] สาวตฺถี ฯ สงฺขาเรสุ โข วจฺฉ อปฺปจฺจกฺขกมฺมา ฯเปฯ
สงฺขารนิโรธคามินิยา ปฏิปทาย อปฺปจฺจกฺขกมฺมา ฯเปฯ

[๕๘๔] สาวตฺถี ฯ วิญฺญาเณ โข วจฺฉ อปฺปจฺจกฺขกมฺมา
วิญฺญาณสมุทเย อปฺปจฺจกฺขกมฺมา วิญฺญาณนิโรเธ อปฺปจฺจกฺขกมฺมา
วิญฺญาณนิโรธคามินิยา ปฏิปทาย อปฺปจฺจกฺขกมฺมา
เอวมิมานิ อเนกวิหิตานิ ทิฏฺฐิคตานิ โลเก อุปฺปชฺชนฺติ สสฺสโต
โลโกติ วา ฯเปฯ เนว โหติ น น โหติ ตถาคโต ปรํ มรณาติ
วาติ ฯ อยํ โข วจฺฉ เหตุ อยํ ปจฺจโย ยานีมานิ อเนกวิหิตานิ
ทิฏฺฐิคตานิ โลเก อุปฺปชฺชนฺติ สสฺสโต โลโกติ วา อสสฺสโต
โลโกติ วา อนฺตวา โลโกติ วา อนนฺตวา โลโกติ วา
ตํ ชีวํ ตํ สรีรนฺติ วา อญฺญํ ชีวํ อญฺญํ สรีรนฺติ วา โหติ
ตถาคโต ปรํ มรณาติ วา น โหติ ตถาคโต ปรํ มรณาติ วา
โหติ จ น จ โหติ ตถาคโต ปรํ มรณาติ วา เนว โหติ น
น โหติ ตถาคโต ปรํ มรณาติ วาติ ฯ อยํ โข วจฺฉ เหตุ อยํ
ปจฺจโย ยานีมานิ อเนกวิหิตานิ ทิฏฺฐิคตานิ โลเก อุปฺปชฺชนฺติ
สสฺสโต โลโกติ วา อสสฺสโต โลโกติ วา ฯเปฯ เนว โหติ
น น โหติ ตถาคโต ปรํ มรณาติ วาติ ฯ (เอกปิณฺเฑน ปญฺจปญฺญาสํ
สุตฺตนฺตา ภวนฺติ) ฯ
วจฺฉโคตฺตสํยุตฺตํ นิฏฺฐิตํ ฯ
อิทํ สํยุตฺตสฺส อุทฺทานํ
อญฺญาณา อทสฺสนญฺเจว อนภิสมยา อนนุโพธา
อปฺปฏิเวธา อสลฺลกฺขณา อนุปลกฺขเณน อสมเปกฺขณา
อปฺปจฺจเวกฺขณา อปฺปจฺจุปลกฺขณา อปฺปจฺจกฺขกมฺมนฺติ ฯ
_______________
สมาธิสํยุตฺตํ ๑

[๕๘๕] สาวตฺถี ฯ ตตฺร โข ฯเปฯ จตฺตาโรเม ภิกฺขเว
ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ
สมาธิกุสโล โหติ น สมาธิสฺมึ สมาปตฺติกุสโล ฯ อิธ ปน ภิกฺขเว
เอกจฺโจ ฌายี สมาธิสฺมึ สมาปตฺติกุสโล โหติ น สมาธิสฺมึ สมาธิกุสโล ฯ
อิธ ปน ภิกฺขเว เอกจฺโจ ฌายี เนว สมาธิสฺมึ สมาธิกุสโล
โหติ น สมาธิสฺมึ สมาปตฺติกุสโล ฯ อิธ ปน ภิกฺขเว
เอกจฺโจ ฌายี สมาธิสฺมึ สมาธิกุสโล จ โหติ สมาธิสฺมึ สมาปตฺติกุสโล
จ ฯ ตตฺร ภิกฺขเว ยฺวายํ ฌายี สมาธิสฺมึ สมาธิกุสโล
จ [๒] สมาธิสฺมึ สมาปตฺติกุสโล จ ฯ อยํ อิเมสํ จตุนฺนํ ฌายีนํ อคฺโค
จ เสฏฺโฐ จ ปาโมกฺโข ๓ จ อุตฺตโม จ ปวโร จ ฯ เสยฺยถาปิ
ภิกฺขเว ควา ขีรํ ขีรมฺหา ทธิ ทธิมฺหา นวนีตํ นวนีตมฺหา สปฺปิ
สปฺปิมฺหา สปฺปิมณฺโฑ ตตฺร อคฺคมกฺขายติ เอวเมว โข ภิกฺขเว
ยฺวายํ ฌายี สมาธิสฺมึ สมาธิกุสโล จ สมาธิสฺมึ สมาปตฺติกุสโล
จ ฯ อยํ อิเมสํ จตุนฺนํ ฌายีนํ อคฺโค จ เสฏฺโฐ จ ปาโมกฺโข ๔
จ อุตฺตโม จ ปวโร จาติ ฯ

[๕๘๖] สาวตฺถี ฯ ตตฺร โข ฯเปฯ จตฺตาโรเม ภิกฺขเว
ฌายี ฯ กตเม จตฺตาโร ฯ อิธ ภิกฺขเว เอกจฺโจ ฌายี สมาธิสฺมึ
สมาธิกุสโล โหติ น สมาธิสฺมึ ฐิติกุสโล ฯ อิธ ปน ภิกฺขเว
#๑ ม. ฌานสํยุตฺตํ ฯ [๒] ม. โหติ ฯ สพฺพตฺถ เอวํ ญาตพฺพํ ฯ ๓-๔ ม. ยุ.
#โมกฺโข อิติ ทิสฺสติ สพฺพตฺถ อีทิสเมว ฯ
เอกจฺโจ ฌายี สมาธิสฺมึ ฐิติกุสโล โหติ น สมาธิสฺมึ สมาธิกุสโล ฯ
อิธ ปน ภิกฺขเว เอกจฺโจ ฌายี เนว สมาธิสฺมึ สมาธิกุสโล
โหติ น สมาธิสฺมึ ฐิติกุสโล ฯ อิธ ปน ภิกฺขเว เอกจฺโจ
ฌายี สมาธิสฺมึ สมาธิกุสโล จ โหติ สมาธิสฺมึ ฐิติกุสโล จ ฯ
ตตฺร ภิกฺขเว ยฺวายํ ฌายี สมาธิสฺมึ สมาธิกุสโล จ สมาธิสฺมึ
ฐิติกุสโล จ ฯ อยํ อิเมสํ จตุนฺนํ ฌายีนํ อคฺโค จ เสฏฺโฐ จ
ปาโมกฺโข จ อุตฺตโม จ ปวโร จ ฯ เสยฺยถาปิ ภิกฺขเว ควา
ขีรํ ขีรมฺหา ทธิ ทธิมฺหา นวนีตํ นวนีตมฺหา สปฺปิ สปฺปิมฺหา
สปฺปิมณฺโฑ ตตฺร อคฺคมกฺขายติ เอวเมว โข ภิกฺขเว ยฺวายํ
ฌายี สมาธิสฺมึ สมาธิกุสโล จ สมาธิสฺมึ ฐิติกุสโล จ ฯ อยํ
อิเมสํ จตุนฺนํ ฌายีนํ อคฺโค จ เสฏฺโฐ จ ปาโมกฺโข จ อุตฺตโม
จ ปวโร จาติ ฯ

[๕๘๗] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ
อิธ ภิกฺขเว เอกจฺโจ ฌายี สมาธิสฺมึ สมาธิกุสโล โหติ น [๑] สมาธิสฺมึ
วุฏฺฐานกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ วุฏฺฐานกุสโล
โหติ น สมาธิสฺมึ สมาธิกุสโล ฯ อิธ ปน ภิกฺขเว เอกจฺโจ
ฌายี เนว สมาธิสฺมึ สมาธิกุสโล โหติ น สมาธิสฺมึ วุฏฺฐานกุสโล ฯ
อิธ ปน ภิกฺขเว เอกจฺโจ ฌายี สมาธิสฺมึ สมาธิกุสโล
จ โหติ สมาธิสฺมึ วุฏฺฐานกุสโล จ ฯ ตตฺร ภิกฺขเว ยฺวายํ ฌายี
สมาธิสฺมึ สมาธิกุสโล จ สมาธิสฺมึ วุฏฺฐานกุสโล จ ฯ อยํ อิเมสํ
#[๑] ม. จสทฺโท ทิสฺสติ ฯ สพฺพตฺถ อีทิสเมว ฯ
จตุนฺนํ ฌายีนํ อคฺโค จ เสฏฺโฐ จ ปาโมกฺโข จ อุตฺตโม จ
ปวโร จ ฯ เสยฺยถาปิ ภิกฺขเว ควา ขีรํ ขีรมฺหา ทธิ ทธิมฺหา
นวนีตํ นวนีตมฺหา สปฺปิ สปฺปิมฺหา ฯเปฯ ปวโร จาติ ฯ

[๕๘๘] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ
อิธ ภิกฺขเว เอกจฺโจ ฌายี สมาธิสฺมึ สมาธิกุสโล โหติ น สมาธิสฺมึ
กลฺลิตกุสโล ๑ ฯ อิธ ปน ภิกฺขเว เอกจฺโจ ฌายี สมาธิสฺมึ กลฺลิตกุสโล
โหติ น สมาธิสฺมึ สมาธิกุสโล ฯ อิธ ปน ภิกฺขเว เอกจฺโจ
ฌายี เนว สมาธิสฺมึ สมาธิกุสโล โหติ น สมาธิสฺมึ กลฺลิตกุสโล ฯ
อิธ ปน ภิกฺขเว เอกจฺโจ ฌายี สมาธิสฺมึ สมาธิกุสโล จ โหติ
สมาธิสฺมึ กลฺลิตกุสโล จ ฯ ตตฺร ภิกฺขเว ยฺวายํ ฌายี สมาธิสฺมึ
สมาธิกุสโล จ สมาธิสฺมึ กลฺลิตกุสโล จ ฯ อยํ อิเมสํ จตุนฺนํ
ฌายีนํ อคฺโค จ เสฏฺโฐ จ ปาโมกฺโข จ อุตฺตโม จ ปวโร
จ ฯ เสยฺยถาปิ ภิกฺขเว ควา ขีรํ ขีรมฺหา ทธิ ทธิมฺหา นวนีตํ
นวนีตมฺหา สปฺปิ สปฺปิมฺหา ฯเปฯ ปวโร จาติ ฯ

[๕๘๙] สาวตฺถี ฯ จตฺตาโรเม ภิกฺขเว ฌายี ฯ กตเม จตฺตาโร ฯ
อิธ ภิกฺขเว เอกจฺโจ ฌายี สมาธิสฺมึ สมาธิกุสโล โหติ น สมาธิสฺมึ
อารมฺมณกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ
อารมฺมณกุสโล โหติ น สมาธิสฺมึ สมาธิกุสโล ฯ อิธ ปน ภิกฺขเว
เอกจฺโจ ฌายี เนว สมาธิสฺมึ สมาธิกุสโล โหติ น สมาธิสฺมึ
อารมฺมณกุสโล ฯ อิธ ปน ภิกฺขเว เอกจฺโจ ฌายี สมาธิสฺมึ
#๑ ยุ. กลฺลกุสโล ฯ
สมาธิกุสโล จ โหติ สมาธิสฺมึ อารมฺมณกุสโล จ ฯ ตตฺร ภิกฺขเว
ยฺวายํ ฌายี สมาธิสฺมึ สมาธิกุสโล จ สมาธิสฺมึ อารมฺมณกุสโล
จ ฯ อยํ อิเมสํ จตุนฺนํ ฌายีนํ อคฺโค จ เสฏฺโฐ จ ปาโมกฺโข
จ อุตฺตโม จ ปวโร จ ฯ เสยฺยถาปิ ภิกฺขเว ควา ขีรํ ฯเปฯ
ปวโร จาติ ฯ