[๖๐๙] เอวํ ปสฺสํ ราหุล สุตวา อริยสาวโก จกฺขุสมฺผสฺสชาเวทนายปิฟ
นิพฺพินฺทติ โสตสมฺผสฺสชาเวทนายปิ นิพฺพินฺทติ ฆานสมฺผสฺสชาเวทนายปิ
นิพฺพินฺทติ ชิวฺหาสมฺผสฺสชาเวทนายปิ นิพฺพินฺทติ
กายสมฺผสฺสชาเวทนายปิ นิพฺพินฺทติ มโนสมฺผสฺสชาเวทนายปิ
นิพฺพินฺทติ ฯเปฯ ปชานาตีติ ฯ ปญฺจมํ ฯ
[๖๑๐] สาวตฺถิยํ วิหรติ … ตํ กึ มญฺญสิ ราหุล รูปสญฺญา
นิจฺจา วา อนิจฺจา วาติ ฯ อนิจฺจา ภนฺเต … สทฺทสญฺญา …
คนฺธสญฺญา … รสสญฺญา … โผฏฺฐพฺพสญฺญา … ธมฺมสญฺญาถ
นิจฺจา วา อนิจฺจา วาติ ฯ อนิจฺจา ภนฺเต … ฯ
[๖๑๑] เอวํ ปสฺสํ ราหุล สุตวา อริยสาวโก รูปสญฺญายปิ
นิพฺพินฺทติ สทฺทสญฺญายปิ นิพฺพินฺทติ คนฺธสญฺญายปิ นิพฺพินฺทติ
รสสญฺญายปิ นิพฺพินฺทติ โผฏฺฐพฺพสญฺญายปิ นิพฺพินฺทติ
ธมฺมสญฺญายปิ นิพฺพินฺทติ ฯเปฯ ปชานาตีติ ฯ ฉฏฺฐํ ฯ
[๖๑๒] สาวตฺถิยํ วิหรติ … ตํ กึ มญฺญสิ ราหุล
รูปสญฺเจตนา นิจฺจา วา อนิจฺจา วาติ ฯ อนิจฺจา ภนฺเต …
สทฺทสญฺเจตนา … คนฺธสญฺเจตนา … รสสญฺเจตนา … โผฏฺฐพฺพ-
สญฺเจตนา … ธมฺมสญฺเจตนา นิจฺจา วา อนิจฺจา วาติ ฯ อนิจฺจา
ภนฺเต … ฯ
[๖๑๓] เอวํ ปสฺสํ ราหุล สุตวา อริยสาวโก รูปสญฺเจตนายปิ
นิพฺพินฺทติ สทฺทสญฺเจตนายปิ นิพฺพินฺทติ คนฺธสญฺเจตนายปิ นิพฺพินฺทติ
รสสญฺเจตนายปิ นิพฺพินฺทติ โผฏฺฐพฺพสญฺเจตนายปิ นิพฺพินฺทติฅ
ธมฺมสญฺเจตนายปิ นิพฺพินฺทติ ฯเปฯ ปชานาตีติ ฯ สตฺตมํ ฯ
[๖๑๔] สาวตฺถิยํ วิหรติ … ตํ กึ มญฺญสิ ราหุล รูปตณฺหา
นิจฺจา วา อนิจฺจา วาติ ฯ อนิจฺจา ภนฺเต … สทฺทตณฺหา …
คนฺธตณฺหา … รสตณฺหา … โผฏฺฐพฺพตณฺหา … ธมฺมตณฺหา นิจฺจา
วา อนิจฺจา วาติ ฯ อนิจฺจา ภนฺเต … ฯ
[๖๑๕] เอวํ ปสฺสํ ราหุล สุตวา อริยสาวโก รูปตณฺหายปิ
นิพฺพินฺทติ สทฺทตณฺหายปิ นิพฺพินฺทติ คนฺธตณฺหายปิ นิพฺพินฺทติ
รสตณฺหายปิ นิพฺพินฺทติ โผฏฺฐพฺพตณฺหายปิ นิพฺพินฺทติ
ธมฺมตณฺหายปิ นิพฺพินฺทติ ฯเปฯ ปชานาตีติ ฯ อฏฺฐมํ ฯ
[๖๑๖] สาวตฺถิยํ วิหรติ … ตํ กึ มญฺญสิ ราหุล ปฐวีธาตุ
นิจฺจา วา อนิจฺจา วาติ ฯ อนิจฺจา ภนฺเต … อาโปธาตุ …
เตโชธาตุ … วาโยธาตุ … อากาสธาตุ … วิญฺญาณธาตุ นิจฺจา วา
อนิจฺจา วาติ ฯ อนิจฺจา ภนฺเต … ฯ
[๖๑๗] เอวํ ปสฺสํ ราหุล สุตวา อริยสาวโก ปฐวีธาตุยาปิ
นิพฺพินฺทติ อาโปธาตุยาปิ นิพฺพินฺทติ เตโชธาตุยาปิ นิพฺพินฺทติ
วาโยธาตุยาปิ นิพฺพินฺทติ อากาสธาตุยาปิ นิพฺพินฺทติ วิญฺญาณธาตุยาปิ
นิพฺพินฺทติ ฯเปฯ ปชานาตีติ ฯ นวมํ ฯ
[๖๑๘] สาวตฺถิยํ วิหรติ … ตํ กึ มญฺญสิ ราหุล รูปํ นิจฺจํ
วา อนิจฺจํ วาติ ฯ อนิจฺจํ ภนฺเต … เวทนา … สญฺญา …
สงฺขารา … วิญฺญาณํ นิจฺจํ วา อนิจฺจํ วาติ ฯ อนิจฺจํ ภนฺเต ฯ
ยํ ปนานิจฺจํ ทุกฺขํ วา ตํ สุขํ วาติ ฯ ทุกฺขํ ภนฺเต ฯ ยํ
ปนานิจฺจํ ทุกฺขํ วิปริณามธมฺมํ กลฺลํ นุ ตํ สมนุปสฺสิตุํ เอตํ
มม เอโสหมสฺมิ เอโส เม อตฺตาติ ฯ โน เหตํ ภนฺเต ฯ