[๕๖๙] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ
[๕๖๙] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ
[๕๗๐] สทฺธา ภิกฺขเว อุปาสิกา เอกํ ปุตฺตกํ ๑ ปิยํ มนาปํ
เอวํ สมฺมา อายาจมานา อายาเจยฺย ตาทิโส ตาต ภวาหิ
ยาทิโส จิตฺโต จ คหปติ หตฺถโก จ อาฬวโกติ ฯ เอสา
#๑ ม. ยุ. เอกปุตฺตกํ ฯ
ภิกฺขเว ตุลา เอตํ ปมาณํ มม สาวกานํ อุปาสกานํ ยทิทํ
จิตฺโต จ คหปติ หตฺถโก จ อาฬวโก ฯ สเจ โข ตฺวํ ตาต
อคารสฺมา อนคาริยํ ปพฺพชสิ ตาทิโส ตาต ภวาหิ ยาทิสา
สารีปุตฺตโมคฺคลฺลานาติ ฯ เอสา ภิกฺขเว ตุลา เอตํ ปมาณํ
มม สาวกานํ ภิกฺขูนํ ยทิทํ สารีปุตฺตโมคฺคลฺลานา ฯ มา จ
โข ตวํ ตาต เสกฺขํ อปฺปตฺตมานสํ ลาภสกฺการสิโลโก
อนุปาปุณาตีติ ๑ ฯ ตญฺเจ ภิกฺขเว ภิกฺขุํ เสกฺขํ อปฺปตฺตมานสํ
ลาภสกฺการสิโลโก อนุปาปุณาติ โส ตสฺส โหติ อนฺตรายาย ฯ
เอวํ ทารุโณ โข ภิกฺขเว ลาภสกฺการสิโลโก ฯเปฯ เอวญฺหิ
โว ภิกฺขเว สิกฺขิตพฺพนฺติ ฯ ตติยํ ฯ
[๕๗๑] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ
[๕๗๒] สทฺธา ภิกฺขเว อุปาสิกา เอกํ ธีตรํ ปิยํ มนาปํ เอวํ
สมฺมา อายาจมานา อายาเจยฺย ตาทิสา อยฺเย ภวาหิ ยาทิสา
ขุชฺชุตฺตรา จ อุปาสิกา เวฬุกณฺฑกิยา จ นนฺทมาตาติ ฯ เอสา
ภิกฺขเว ตุลา เอตํ ปมาณํ มม สาวิกานํ อุปาสิกานํ ยทิทํ
ขุชฺชุตฺตรา จ อุปาสิกา เวฬุกณฺฑกิยา จ นนฺทมาตา ฯ สเจ
โข ตฺวํ อยฺเย อคารสฺมา อนคาริยํ ปพฺพชสิ ตาทิสา อยฺเย
ภวาหิ ยาทิสา เขมา จ ภิกฺขุนี อุปฺปลวณฺณา จาติ ฯ เอสา
ภิกฺขเว ตุลา เอตํ ปมาณํ มม สาวิกานํ ภิกฺขุนีนํ ยทิทํ
#๑ ม. ยุ. อนุปาปุณาตูติ ฯ
เขมา จ ภิกฺขุนี อุปฺปลวณฺณา จ ฯ มา จ โข ตวํ อยฺเย
เสกฺขํ อปฺปตฺตมานสํ ลาภสกฺการสิโลโก อนุปาปุณาตีติ ฯ ตญฺเจ
ภิกฺขเว ภิกฺขุนึ เสกฺขํ อปฺปตฺตมานสํ ลาภสกฺการสิโลโก
อนุปาปุณาติ โส ตสฺสา โหติ อนฺตรายาย ฯ เอวํ ทารุโณ
โข ภิกฺขเว ลาภสกฺการสิโลโก ฯเปฯ เอวญฺหิ โว ภิกฺขเว
สิกฺขิตพฺพนฺติ ฯ จตุตฺถํ ฯ
[๕๗๓] สาวตฺถิยํ วิหรติ … เย หิ เกจิ ภิกฺขเว สมณา วา
พฺราหฺมณา วา ลาภสกฺการสิโลกสฺส อสฺสาทญฺจ อาทีนวญฺจ
นิสฺสรณญฺจ ยถาภูตํ นปฺปชานนฺติ [เอวํ กาตพฺพํ] ปชานนฺติ สยํ
อภิญฺญา สจฺฉิกตฺวา อุปสมฺปชฺช วิหรนฺตีติ ฯ ปญฺจมํ ฯ
[๕๗๔] สาวตฺถิยํ วิหรติ … เย หิ เกจิ ภิกฺขเว สมณา วา
พฺราหฺมณา วา ลาภสกฺการสิโลกสฺส สมุทยญฺจ อตฺถงฺคมญฺจ
อสฺสาทญฺจ อาทีนวญฺจ นิสฺสรณญฺจ ยถาภูตํ นปฺปชานนฺติ [เอวํ
กาตพฺพํ] ฯ
[๕๗๕] เย จ โข เกจิ ภิกฺขเว สมณา วา พฺราหฺมณา
วา ลาภสกฺการสิโลกสฺส สมุทยญฺจ อตฺถงฺคมญฺจ อสฺสาทญฺจ
อาทีนวญฺจ นิสฺสรณญฺจ ยถาภูตํ ปชานนฺติ ๑ [เอวํ กาตพฺพํ]
วิหรนฺตีติ ฯ ฉฏฺฐํ ฯ
[๕๗๖] สาวตฺถิยํ วิหรติ … เย หิ เกจิ ภิกฺขเว สมณา วา
#๑ ม. ยุ. สยํ อภิญฺญา สจฺฉิกตฺวา อุปสมฺปชฺช วิหรนฺตีติ ฯ
พฺราหฺมณา วา ลาภสกฺการสิโลกํ นปฺปชานนฺติ ลาภสกฺการสิโลก-
สมุทยํ นปฺปชานนฺติ ลาภสกฺการสิโลกนิโรธํ นปฺปชานนฺติ ลาภ-
สกฺการสิโลกนิโรธคามินึ ปฏิปทํ นปฺปชานนฺติ [เอวํ กาตพฺพํ]
ปชานนฺติ สยํ อภิญฺญา สจฺฉิกตฺวา อุปสมฺปชฺช วิหรนฺตีติ ฯ สตฺตมํ ฯ
[๕๗๗] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก ฯ
ลาภสกฺการสิโลโก ภิกฺขเว ฉวึ ฉินฺทติ ฉวึ เฉตฺวา่
จมฺมํ ฉินฺทติ จมฺมํ เฉตฺวา มํสํ ฉินฺทติ มํสํ เฉตฺวา นหารุํ
ฉินฺทติ นหารุํ เฉตฺวา อฏฺฐึ ฉินฺทติ อฏฺฐึ เฉตฺวา อฏฺฐิมิญฺชํ
อาหจฺจ ติฏฺฐติ ฯ เอวํ ทารุโณ โข ภิกฺขเว ลาภสกฺการสิโลโก
ฯเปฯ เอวญฺหิ โว ภิกฺขเว สิกฺขิตพฺพนฺติ ฯ อฏฺฐมํ ฯ
[๕๗๘] สาวตฺถิยํ วิหรติ … ตตฺร โข ภควา … ทารุโณ
ภิกฺขเว ลาภสกฺการสิโลโก ฯ ลาภสกฺการสิโลโก ภิกฺขเว ฉวึ
ฉินฺทติ ฉวึ เฉตฺวา จมฺมํ ฉินฺทติ จมฺมํ เฉตฺวา มํสํ ฉินฺทติ
มํสํ เฉตฺวา นหารุํ ฉินฺทติ นหารุํ เฉตฺวา อฏฺฐึ ฉินฺทติ อฏฺฐึ
เฉตฺวา อฏฺฐิมิญฺชํ อาหจฺจ ติฏฺฐติ ฯ