[๕๕๙] อิทมโวจ ภควา อิทํ วตฺวาน สุคโต อถาปรํ
เอตทโวจ สตฺถา
ยสฺส สกฺกริยมานสฺส อสกฺกาเรน จูภยํ
สมาธิ น วิกมฺปติ อปฺปมาณวิหาริโน ๑
ตํ ฌายินํ สาตติกํ สุขุมทิฏฺฐิวิปสฺสกํ
อุปาทานกฺขยารามํ อาหุ สปฺปุริโส อิตีติ ฯ ทสมํ ฯ
ปฐมวคฺโค ปฐโม ฯ
ตสฺส อุทฺทานํ
สุทฺธกํ ๒ พฬิสํ กุมฺมํ ทีฆโลมํ ปุเนฬกํ ๓
อสนิ ทิฏฺฐิ สิคาลํ เวรมฺเภน สคยฺหกนฺติ ๔ ฯ
___________
#๑ ยุ. อปฺปมาทวิหาริโน ฯ ๒ ม. ยุ. ทารุโณ ฯ ๓ ม. ยุ. ทีฆโลมิ จ มีฬฺหกํ ฯ
#๔ ม. สคาถกนฺติ ฯ
ทุติยวคฺโค ทุติโย

[๕๖๐] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ

[๕๖๑] อิธาหํ ภิกฺขเว เอกจฺจํ ปุคฺคลํ เอวํ เจตสา เจโต
ปริจฺจ ปชานามิ น วายมายสฺมา ๑ สุวณฺณปาติยาปิ รูปิยจุณฺณปริปูราย
เหตุ สมฺปชานมุสา ภาเสยฺยาติ ตเมนํ ปสฺสามิ อปเรน
สมเยน ลาภสกฺการสิโลเกน อภิภูตํ ปริยาทินฺนจิตฺตํ สมฺปชานมุสา
ภาสนฺตํ ฯ เอวํ ทารุโณ โข ภิกฺขเว ลาภสกฺการสิโลโก ฯเปฯ
เอวญฺหิ โว ภิกฺขเว สิกฺขิตพฺพนฺติ ฯ ปฐมํ ฯ

[๕๖๒] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ

[๕๖๓] อิธาหํ ภิกฺขเว เอกจฺจํ ปุคฺคลํ เอวํ เจตสา เจโต
ปริจฺจ ปชานามิ น วายมายสฺมา รูปิยปาติยาปิ สุวณฺณจุณฺณปริปูราย
เหตุ สมฺปชานมุสา ภาเสยฺยาติ ตเมนํ ปสฺสามิ อปเรน
สมเยน ลาภสกฺการสิโลเกน อภิภูตํ ปริยาทินฺนจิตฺตํ สมฺปชานมุสา๕
ภาสนฺตํ ฯ เอวํ ทารุโณ โข ภิกฺขเว ลาภสกฺการสิโลโก ฯเปฯ
เอวญฺหิ โว ภิกฺขเว สิกฺขิตพฺพนฺติ ฯ ทุติยํ ฯ

[๕๖๔] สาวตฺถิยํ วิหรติ … อิธาหํ ภิกฺขเว เอกจฺจํ ปุคฺคลํ
เอวํ เจตสา เจโต ปริจฺจ ปชานามิ น วายมายสฺมา สุวณฺณนิกฺขสฺสปิ
#๑ ม. ยุ. จายมายสฺมา ฯ เอวมุปริปิ ฯ
เหตุ … สุวณฺณนิกฺขสตสฺสปิ เหตุ … สิงฺคินิกฺขสฺสปิ
เหตุ … สิงฺคินิกฺขสตสฺสปิ เหตุ … ปฐวิยาปิ ชาตรูปปริปูราย เหตุ …
อามิสกิญฺจิกฺขเหตุปิ … ชีวิตเหตุปิ … ชนปทกลฺยาณิยาปิ เหตุ
สมฺปชานมุสา ภาเสยฺยาติ ตเมนํ ปสฺสามิ อปเรน สมเยน
ลาภสกฺการสิโลเกน อภิภูตํ ปริยาทินฺนจิตฺตํ สมฺปชานมุสา
ภาสนฺตํ ฯ เอวํ ทารุโณ โข ภิกฺขเว ลาภสกฺการสิโลโก ฯเปฯ
เอวญฺหิ โว ภิกฺขเว สิกฺขิตพฺพนฺติ ฯ ทสมํ ฯ
ทุติยวคฺโค ทุติโย ฯ
ตสฺส อุทฺทานํ
เทฺว ปาตี เทฺวว สุวณฺณา [๑]- สิงฺคีหิ อปเร ทุเว
ปฐวี กิญฺจิกฺขชีวิต- ๒ ชนปทกลฺยาณิยา ทสาติ ฯ
____________
#๑ ม. ยุ. จ ฯ ๒ ม. ยุ. กิญฺจิกฺขชีวิตํ ฯ
ตติยวคฺโค ตติโย

[๕๖๕] สาวตฺถิยํ วิหรติ … ตตฺร โข ภควา … ทารุโณ
ภิกฺขเว ลาภสกฺการสิโลโก ฯเปฯ อธิคมาย ฯ

[๕๖๖] น ตสฺส ภิกฺขเว มาตุคาโม เอโก เอกสฺส จิตฺตํ
ปริยาทาย ติฏฺฐติ ยสฺส ลาภสกฺการสิโลโก จิตฺตํ ปริยาทาย
ติฏฺฐติ ฯเปฯ เอวํ ทารุโณ โข ภิกฺขเว ลาภสกฺการสิโลโก
ฯเปฯ เอวญฺหิ โว ภิกฺขเว สิกฺขิตพฺพนฺติ ฯ ปฐมํ ฯ

[๕๖๗] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ

[๕๖๘] น ตสฺส ภิกฺขเว ชนปทกลฺยาณี เอกา เอกสฺส จิตฺตํU
ปริยาทาย ติฏฺฐติ ยสฺส ลาภสกฺการสิโลโก จิตฺตํ ปริยาทาย
ติฏฺฐติ ฯเปฯ เอวํ ทารุโณ โข ภิกฺขเว ลาภสกฺการสิโลโก
ฯเปฯ เอวญฺหิ โว ภิกฺขเว สิกฺขิตพฺพนฺติ ฯ ทุติยํ ฯ