[๕๔๙] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ
[๕๔๙] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ
[๕๕๐] กํ ๑ ภิกฺขเว อสนิวิจกฺกํ [๒]- ฯ เสกฺขํ ๓ อปฺปตฺตมานสํ
ลาภสกฺการสิโลโก อนุปาปุณาตุ ๔ ฯ อสนิวิจกฺกนฺติ โข ภิกฺขเว
ลาภสกฺการสิโลกสฺเสตํ อธิวจนํ ฯ เอวํ ทารุโณ โข ภิกฺขเว
ลาภสกฺการสิโลโก ฯเปฯ เอวญฺหิ โว ภิกฺขเว สิกฺขิตพฺพนฺติ ฯ ฉฏฺฐํ ฯ
[๕๕๑] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ
[๕๕๒] กํ ภิกฺขเว ทิฏฺฐิคเตน สลฺเลน วิชฺฌตุ ๕ ฯ เสกฺขํ ๓
อปฺปตฺตมานสํ ลาภสกฺการสิโลโก อนุปาปุณาตุ ฯ สลฺลนฺติ โข
ภิกฺขเว ลาภสกฺการสิโลกสฺเสตํ อธิวจนํ ฯ เอวํ ทารุโณ โข
ภิกฺขเว ลาภสกฺการสิโลโก ฯเปฯ อธิคมาย ฯ เอวญฺหิ โว
ภิกฺขเว สิกฺขิตพฺพนฺติ ฯ สตฺตมํ ฯ
[๕๕๓] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ
[๕๕๔] ปสฺสถ ๖ โน ตุเมฺห ภิกฺขเว รตฺติยา ปจฺจูสสมยํ ชรสิคาลสฺส
วสมานสฺสาติ ฯ เอวํ ภนฺเต ฯ โส โข ภิกฺขเว ชรสิคาโล ๗
#๑ ยุ. กึ ฯ ๒ ม. อาคจฺฉตุ ฯ ๓ ยุ. ตํ เสขํ ฯ ๔ ยุ. อนุปาปุณาติ ฯ
#๕ ม. ทิทฺธคเตน วิสลฺเลน สลฺเลน วิชฺฌตุ ฯ ยุ. ทิฏฺฐคเตน … วิชฺฌนฺติ ฯ
#๖ ม. ยุ. อสฺสูตฺถ ฯ ๗ ม. ยุ. ชรสิงฺคาโล ฯ
อุกฺกณฺณเกน ๑ นาม โรคชาเตน ผุฏฺโฐ เนว ถลคโต ๒ รมติ น
รุกฺขมูลคโต รมติ น อพฺโภกาสคโต รมติ เยน เยน คจฺฉติ
ยตฺถ ยตฺถ ติฏฺฐติ ยตฺถ ยตฺถ นิสีทติ ยตฺถ ยตฺถ นิปชฺชติ ตตฺถ
ตตฺถ อนยพฺยสนํ อาปชฺชติ ฯ เอวเมว โข ภิกฺขเว อิเธกจฺโจ
ภิกฺขุ ลาภสกฺการสิโลเกน อภิภูโต ปริยาทินฺนจิตฺโต เนว สุญฺญาคารคโต
รมติ น รุกฺขมูลคโต รมติ น อพฺโภกาสคโต รมติ
เยน เยน คจฺฉติ ยตฺถ ยตฺถ ติฏฺฐติ ยตฺถ ยตฺถ นิสีทติ ยตฺถ ยตฺถ
นิปชฺชติ ตตฺถ ตตฺถ อนยพฺยสนํ อาปชฺชติ ฯ เอวํ ทารุโณ โข
ภิกฺขเว ลาภสกฺการสิโลโก ฯเปฯ เอวญฺหิ โว ภิกฺขเว
สิกฺขิตพฺพนฺติ ฯ อฏฺฐมํ ฯ
[๕๕๕] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ
[๕๕๖] อุปริ ภิกฺขเว อากาเส เวรมฺภา นาม วาตา วายนฺติ
ตตฺถ โย ปกฺขี คจฺฉติ ตเมนํ เวรมฺภา วาตา ขิปนฺติ ตสฺส
เวรมฺภวาตุกฺขิตฺตสฺส ๓ อญฺเญเนว ปาทา คจฺฉนฺติ อญฺเญน ปกฺขา
คจฺฉนฺติ อญฺเญน สีสํ คจฺฉติ อญฺเญน กาโย คจฺฉติ ฯ เอวเมว
โข ภิกฺขเว อิเธกจฺโจ ภิกฺขุ ลาภสกฺการสิโลเกน อภิภูโต
ปริยาทินฺนจิตฺโต ปุพฺพณฺหสมยํ นิวาเสตฺวา ปตฺตจีวรมาทาย คามํ วา
นิคมํ วา ปิณฺฑาย ปวิสติ อรกฺขิเตเนว กาเยน อรกฺขิตาย วาจาย
อรกฺขิเตน จิตฺเตน อนุปฏฺฐิตาย สติยา อสํวุเตหิ อินฺทฺริเยหิ โส
#๑ ม. อุกฺกณฺฑเกน ฯ ๒ ม. พิลคโต ฯ ยุ. สุญฺญาคารคโต ฯ ๓ ม. ยุ.
#เวรมฺภวาตกฺขิตฺตสฺส ฯ
ตตฺถ ปสฺสติ มาตุคามํ ทุนฺนิวตฺถํ วา ทุปฺปารุตํ วา ตสฺส มาตุคามํ
ทิสฺวาน ทุนฺนิวตฺถํ วา ทุปฺปารุตํ วา ราโค จิตฺตํ อนุทฺธํเสติ
โส ราคานุทฺธํเสน จิตฺเตน สิกฺขํ ปจฺจกฺขาย หีนายาวตฺตติ ตสฺส
อญฺเญ จีวรํ หรนฺติ อญฺเญ ปตฺตํ หรนฺติ อญฺเญ นิสีทนํ หรนฺติ(
อญฺเญ สูจิฆรํ หรนฺติ เวรมฺภวาตุกฺขิตฺตสฺเสว สกุณสฺส ฯ เอวํ
ทารุโณ โข ภิกฺขเว ลาภสกฺการสิโลโก ฯเปฯ เอวญฺหิ โว
ภิกฺขเว สิกฺขิตพฺพนฺติ ฯ นวมํ ฯ
[๕๕๗] สาวตฺถิยํ วิหรติ … ทารุโณ ภิกฺขเว ลาภสกฺการสิโลโก
ฯเปฯ อธิคมาย ฯ
[๕๕๘] อิธาหํ ภิกฺขเว เอกจฺจํ ปุคฺคลํ ปสฺสามิ สกฺกาเรน
อภิภูตํ ปริยาทินฺนจิตฺตํ กายสฺส เภทา ปรมฺมรณา อปายํ ทุคฺคตึ
วินิปาตํ นิรยํ อุปปนฺนํ ฯ อิธ ปนาหํ ภิกฺขเว เอกจฺจํ ปุคฺคลํ
ปสฺสามิ อสกฺกาเรน อภิภูตํ ปริยาทินฺนจิตฺตํ กายสฺส เภทา
ปรมฺมรณา อปายํ ทุคฺคตึ วินิปาตํ นิรยํ อุปปนฺนํ ฯ อิธ ปนาหํ
ภิกฺขเว เอกจฺจํ ปุคฺคลํ ปสฺสามิ สกฺกาเรน จ อสกฺกาเรน จ
ตทุภเยน อภิภูตํ ปริยาทินฺนจิตฺตํ กายสฺส เภทา ปรมฺมรณา อปายํ
ทุคฺคตึ วินิปาตํ นิรยํ อุปปนฺนํ ฯ เอวํ ทารุโณ โข ภิกฺขเว
ลาภสกฺการสิโลโก ฯเปฯ เอวญฺหิ โว ภิกฺขเว สิกฺขิตพฺพนฺติ ฯ