[๓๖๙] เสยฺยถาปิ ภิกฺขเว คูโถ คูเถน สํสนฺทติ สเมติ มุตฺตํ
มุตฺเตน สํสนฺทติ สเมติ เขโฬ เขเฬน สํสนฺทติ สเมติ ปุพฺโพ
ปุพฺเพน สํสนฺทติ สเมติ โลหิตํ โลหิเตน สํสนฺทติ สเมติ เอวเมว
โข ภิกฺขเว ธาตุโสว สตฺตา สํสนฺทนฺติ สเมนฺติ หีนาธิมุตฺติกา
#๑ ม. โข ฯ เอวมีทิเสสุ ฐาเนสุ ฯ
หีนาธิมุตฺติเกหิ สทฺธึ สํสนฺทนฺติ สเมนฺติ อตีตมฺปิ อทฺธานํ …
อนาคตมฺปิ อทฺธานํ … เอตรหิปิ ปจฺจุปฺปนฺนํ อทฺธานํ ธาตุโสว
สตฺตา สํสนฺทนฺติ สเมนฺติ หีนาธิมุตฺติกา หีนาธิมุตฺติเกหิ สทฺธึ
สํสนฺทนฺติ สเมนฺติ ฯ

[๓๗๐] ธาตุโสว ภิกฺขเว สตฺตา สํสนฺทนฺติ สเมนฺติ กลฺยาณาธิมุตฺติกา
กลฺยาณาธิมุตฺติเกหิ สทฺธึ สํสนฺทนฺติ สเมนฺติ ฯ อตีตมฺปิ
ภิกฺขเว อทฺธานํ ธาตุโสว สตฺตา สํสนฺทึสุ สมึสุ กลฺยาณาธิมุตฺติกา
กลฺยาณาธิมุตฺติเกหิ สทฺธึ สํสนฺทึสุ สมึสุ ฯ อนาคตมฺปิ ภิกฺขเว
อทฺธานํ ธาตุโสว สตฺตา สํสนฺทิสฺสนฺติ สเมสฺสนฺติ กลฺยาณาธิมุตฺติกา
กลฺยาณาธิมุตฺติเกหิ สทฺธึ สํสนฺทิสฺสนฺติ สเมสฺสนฺติ ฯ
เอตรหิปิ ภิกฺขเว ปจฺจุปฺปนฺนํ อทฺธานํ ธาตุโสว สตฺตา สํสนฺทนฺติ
สเมนฺติ กลฺยาณาธิมุตฺติกา กลฺยาณาธิมุตฺติเกหิ สทฺธึ สํสนฺทนฺติ
สเมนฺติ ฯ

[๓๗๑] เสยฺยถาปิ ภิกฺขเว ขีรํ ขีเรน สํสนฺทติ สเมติ เตลํ
เตเลน สํสนฺทติ สเมติ สปฺปิ สปฺปินา สํสนฺทติ สเมติ มธุ
มธุนา สํสนฺทติ สเมติ ผาณิตํ ผาณิเตน สํสนฺทติ สเมติ เอวเมว
โข ภิกฺขเว ธาตุโสว สตฺตา สํสนฺทนฺติ สเมนฺติ กลฺยาณาธิมุตฺติกา
กลฺยาณาธิมุตฺติเกหิ สทฺธึ สํสนฺทนฺติ สเมนฺติ อตีตมฺปิ อทฺธานํ …
อนาคตมฺปิ อทฺธานํ … เอตรหิปิ ปจฺจุปฺปนฺนํ อทฺธานํ ธาตุโสว
สตฺตา สํสนฺทนฺติ สเมนฺติ กลฺยาณาธิมุตฺติกา กลฺยาณาธิมุตฺติเกหิ
สทฺธึ สํสนฺทนฺติ สเมนฺตีติ ฯ

[๓๗๒] อิทมโวจ ภควา อิทํ วตฺวาน สุคโต อถาปรํ
เอตทโวจ สตฺถา ๑
สํสคฺคา วนโถ ชาโต อสํสคฺเคน ฉิชฺชติ
ปริตฺตํ ทารุมารูยฺห ยถา สีเท มหณฺณเว
เอวํ กุสีตมาคมฺม สาธุชีวีปิ สีทติ
ตสฺมา ตํ ปริวชฺเชยฺย กุสีตํ หีนวีริยํ
ปวิวิตฺเตหิ อริเยหิ ปหิตตฺเตหิ ฌายิภิ
นิจฺจํ อารทฺธวิริเยหิ ปณฺฑิเตหิ สหาวเสติ ฯ ฉฏฺฐํ ฯ

[๓๗๓] สาวตฺถิยํ วิหรติ … ตตฺร โข ภควา … เอตทโวจ
ธาตุโสว ภิกฺขเว สตฺตา สํสนฺทนฺติ สเมนฺติ อสฺสทฺธา อสฺสทฺเธหิ
สทฺธึ สํสนฺทนฺติ สเมนฺติ อหิริกา อหิริเกหิ สทฺธึ สํสนฺทนฺติ
สเมนฺติ อโนตฺตาปิโน อโนตฺตาปีหิ ๒ สทฺธึ สํสนฺทนฺติ สเมนฺติ
อปฺปสฺสุตา อปฺปสฺสุเตหิ สทฺธึ สํสนฺทนฺติ สเมนฺติ กุสีตา กุสีเตหิ
สทฺธึ สํสนฺทนฺติ สเมนฺติ มุฏฺฐสฺสติโน มุฏฺฐสฺสตีหิ สทฺธึ สํสนฺทนฺติ
สเมนฺติ ทุปฺปญฺญา ทุปฺปญฺเญหิ สทฺธึ สํสนฺทนฺติ สเมนฺติ ฯ
อตีตมฺปิ ภิกฺขเว อทฺธานํ ธาตุโสว สตฺตา สํสนฺทึสุ สมึสุ อสฺสทฺธา
อสฺสทฺเธหิ สทฺธึ สํสนฺทึสุ สมึสุ อหิริกา อหิริเกหิ สทฺธึ สํสนฺทึสุ
สมึสุ อโนตฺตาปิโน อโนตฺตาปีหิ สทฺธึ สํสนฺทึสุ สมึสุ อปฺปสฺสุตา
#๑ ยุ. อิทํ อโวจ สุคฺโต อถาปรเมตทโวจ สตฺถา ฯ ๒ อญฺญตฺถ อโนตฺตปฺปิโน
#อโนตฺตปฺปีหีติปิ ปาฐทฺวยํ ทิสฺสติ ฯ
อปฺปสฺสุเตหิ สทฺธึ สํสนฺทึสุ สมึสุ กุสีตา กุสีเตหิ สทฺธึ สํสนฺทึสุ
สมึสุ มุฏฺฐสฺสติโน มุฏฺฐสฺสตีหิ สทฺธึ สํสนฺทึสุ สมึสุ ทุปฺปญฺญา
ทุปฺปญฺเญหิ สทฺธึ สํสนฺทึสุ สมึสุ ฯ อนาคตมฺปิ ภิกฺขเว อทฺธานํ
ธาตุโสว สตฺตา สํสนฺทิสฺสนฺติ สเมสฺสนฺติ อสฺสทฺธา อสฺสทฺเธหิ
สทฺธึ สํสนฺทิสฺสนฺติ สเมสฺสนฺติ อหิริกา อหิริเกหิ สทฺธึ
สํสนฺทิสฺสนฺติ สเมสฺสนฺติ อโนตฺตาปิโน อโนตฺตาปีหิ สทฺธึ …
อปฺปสฺสุตา อปฺปสฺสุเตหิ สทฺธึ … กุสีตา กุสีเตหิ สทฺธึ … มุฏฺฐสฺสติโน
มุฏฺฐสฺสตีหิ สทฺธึ … ทุปฺปญฺญา ทุปฺปญฺเญหิ สทฺธึ สํสนฺทิสฺสนฺติ
สเมสฺสนฺติ ฯ เอตรหิปิ ภิกฺขเว ปจฺจุปฺปนฺนํ อทฺธานํ ธาตุโสว
สตฺตา สํสนฺทนฺติ สเมนฺติ อสฺสทฺธา อสฺสทฺเธหิ สทฺธึ สํสนฺทนฺติ
สเมนฺติ อหิริกา อหิริเกหิ สทฺธึ ฯเปฯ อโนตฺตาปิโน อโนตฺตาปีหิ
สทฺธึ … อปฺปสฺสุตา อปฺปสฺสุเตหิ สทฺธึ … กุสีตา กุสีเตหิ สทฺธึ …
มุฏฺฐสฺสติโน มุฏฺฐสฺสตีหิ สทฺธึ … ทุปฺปญฺญา ทุปฺปญฺเญหิ สทฺธึ
สํสนฺทนฺติ สเมนฺติ ฯ

[๓๗๔] ธาตุโสว ภิกฺขเว สตฺตา สํสนฺทนฺติ สเมนฺติ สทฺธา
สทฺเธหิ สทฺธึ สํสนฺทนฺติ สเมนฺติ หิริมนา หิริมเนหิ สทฺธึ
สํสนฺทนฺติ สเมนฺติ โอตฺตาปิโน โอตฺตาปีหิ สทฺธึ สํสนฺทนฺติ สเมนฺติ
พหุสฺสุตา พหุสฺสุเตหิ สทฺธึ สํสนฺทนฺติ สเมนฺติ อารทฺธวิริยา
อารทฺธวิริเยหิ สทฺธึ สํสนฺทนฺติ สเมนฺติ อุปฏฺฐิตสฺสติโน
อุปฏฺฐิตสฺสตีหิ สทฺธึ สํสนฺทนฺติ สเมนฺติ ปญฺญวนฺโต ปญฺญวนฺเตหิ
สทฺธึ สํสนฺทนฺติ สเมนฺติ ฯ อตีตมฺปิ ภิกฺขเว อทฺธานํ ฯเปฯ
อนาคตมฺปิ ภิกฺขเว อทฺธานํ ฯเปฯ เอตรหิปิ ภิกฺขเว ปจฺจุปฺปนฺนํ
ฯเปฯ สํสนฺทนฺติ สเมนฺตีติ ฯ สตฺตมํ ฯ

[๓๗๕] สาวตฺถิยํ วิหรติ … ตตฺร โข ภควา … ธาตุโสว
ภิกฺขเว สตฺตา สํสนฺทนฺติ สเมนฺติ อสฺสทฺธา อสฺสทฺเธหิ สทฺธึ
สํสนฺทนฺติ สเมนฺติ อหิริกา อหิริเกหิ สทฺธึ สํสนฺทนฺติ สเมนฺติ
ทุปฺปญฺญา ทุปฺปญฺเญหิ สทฺธึ สํสนฺทนฺติ สเมนฺติ ฯ สทฺธา สทฺเธหิ
สทฺธึ สํสนฺทนฺติ สเมนฺติ หิริมนา หิริมเนหิ สทฺธึ สํสนฺทนฺติ
สเมนฺติ ปญฺญวนฺโต ปญฺญวนฺเตหิ สทฺธึ สํสนฺทนฺติ สเมนฺติ ฯ
อตีตมฺปิ ภิกฺขเว อทฺธานํ ธาตุโสว สตฺตา สํสนฺทึสุ สมึสุ ฯเปฯ
อนาคตมฺปิ ภิกฺขเว อทฺธานํ ธาตุโสว สตฺตา สํสนฺทิสฺสนฺติ
สเมสฺสนฺติ ฯเปฯ เอตรหิปิ ภิกฺขเว ปจฺจุปฺปนฺนํ อทฺธานํ ธาตุโสว
สตฺตา สํสนฺทนฺติ สเมนฺติ อสฺสทฺธา อสฺสทฺเธหิ สทฺธึ สํสนฺทนฺติ
สเมนฺติ อหิริกา อหิริเกหิ สทฺธึ สํสนฺทนฺติ สเมนฺติ ทุปฺปญฺญา
ทุปฺปญฺเญหิ สทฺธึ สํสนฺทนฺติ สเมนฺติ สทฺธา สทฺเธหิ สทฺธึ
สํสนฺทนฺติ สเมนฺติ หิริมนา หิริมเนหิ สทฺธึ สํสนฺทนฺติ สเมนฺติ
ปญฺญวนฺโต ปญฺญวนฺเตหิ สทฺธึ สํสนฺทนฺติ สเมนฺติ [๑]- ฯ

[๓๗๖] ธาตุโสว ภิกฺขเว สตฺตา สํสนฺทนฺติ สเมนฺติ อสฺสทฺธา
อสฺสทฺเธหิ สทฺธึ สํสนฺทนฺติ สเมนฺติ อโนตฺตาปิโน อโนตฺตาปีหิ
สทฺธึ สํสนฺทนฺติ สเมนฺติ ทุปฺปญฺญา ทุปฺปญฺเญหิ สทฺธึ สํสนฺทนฺติ
#๑ โป. ม. ยุ. อิติสทฺโท ทิสฺสติ ฯ
สเมนฺติ ฯ สทฺธา สทฺเธหิ สทฺธึ สํสนฺทนฺติ สเมนฺติ โอตฺตาปิโน
โอตฺตาปีหิ สทฺธึ สํสนฺทนฺติ สเมนฺติ ปญฺญวนฺโต ปญฺญวนฺเตหิ
สทฺธึ สํสนฺทนฺติ สเมนฺติ ฯ

[๓๗๗] อสฺสทฺธา อสฺสทฺเธหิ สทฺธึ สํสนฺทนฺติ สเมนฺติ
อปฺปสฺสุตา อปฺปสฺสุเตหิ สทฺธึ สํสนฺทนฺติ สเมนฺติ ทุปฺปญฺญา
ทุปฺปญฺเญหิ สทฺธึ สํสนฺทนฺติ สเมนฺติ ฯ สทฺธา สทฺเธหิ สทฺธึ
สํสนฺทนฺติ สเมนฺติ พหุสฺสุตา พหุสฺสุเตหิ สทฺธึ สํสนฺทนฺติ สเมนฺติ
ปญฺญวนฺโต ปญฺญวนฺเตหิ สทฺธึ สํสนฺทนฺติ สเมนฺติ ฯ

[๓๗๘] อสฺสทฺธา อสฺสทฺเธหิ สทฺธึ สํสนฺทนฺติ สเมนฺติ กุสีตา
กุสีเตหิ สทฺธึ สํสนฺทนฺติ สเมนฺติ ทุปฺปญฺญา ทุปฺปญฺเญหิ สทฺธึ
สํสนฺทนฺติ สเมนฺติ ฯ สทฺธา สทฺเธหิ สทฺธึ สํสนฺทนฺติ สเมนฺติ
อารทฺธวิริยา อารทฺธวิริเยหิ สทฺธึ สํสนฺทนฺติ สเมนฺติ ปญฺญวนฺโต
ปญฺญวนฺเตหิ สทฺธึ สํสนฺทนฺติ สเมนฺติ ฯ