เอวญฺจ วตฺวา ปุน ตํ
ภควโต ธมฺมเทสนํ อพฺภนุโมทมาโน อภิกฺกนฺตํ โภ โคตมาติ-
อาทิมาห ฯ
ตตฺถายํ อภิกฺกนฺตสทฺโท ขยสุนฺทรอภิรูปอพฺภนุโมทเนสุ
ทิสฺสติ ฯ อภิกฺกนฺตา ภนฺเต รตฺติ นิกฺขนฺโต ปฐโม ยาโม
จิรํ นิสินฺโน ภิกฺขุสงฺโฆติอาทีสุ หิ ขเย ทิสฺสติ ฯ อยํ อิเมสํ
จตุนฺนํ ปุคฺคลานํ อภิกฺกนฺตตโร จ ปณีตตโร จาติอาทีสุ
สุนฺทเร ฯ
# ๑. ม. สพฺพโลกเชฏฺฐเสฏฺฐํ ฯ
โก เม วนฺทติ ปาทานิ อิทฺธิยา ยสสา ชลํ
อภิกฺกนฺเตน วณฺเณน สพฺพา โอภาสยํ ทิสาติ-
อาทีสุ อภิรูเป ฯ อภิกฺกนฺตํ ภนฺเตติอาทีสุ อพฺภนุโมทเน ฯ
อิธาปิ อพฺภนุโมทเนเยว ฯ ยสฺมา จ อพฺภนุโมทเน ตสฺมา
สาธุ สาธุ โภ โคตมาติ วุตฺตํ โหตีติ เวทิตพฺพํ ฯ
ภเย โกเธ ปสํสายํ ตุริเต โกตุหลจฺฉเร
หาเส โสเก ปสาเท จ กเร อาเมฑิตํ (๑) พุโธติ
อิมินา จ ลกฺขเณน อิธ ปสาทวเสน ปสํสาวเสน จายํ
ทฺวิกฺขตฺตต วุตฺโตติ เวทิตพฺโพ ฯ
อถวา อภิกฺกนฺตนฺติ อติกนฺตํ อติอิฏฺฐํ อติมนาปํ
อติสุนฺทรนฺติ วุตฺตํ โหติ ฯ ตตฺถ เอเกน อภิกฺกนฺตสทฺเทน
เทสนํ โถเมติ เอเกน อตฺตโน ปสาทํ ฯ อยํ หิ เอตฺถ
อธิปฺปาโย อภิกฺกนฺตํ โภ โคตม ยทิทํ โภโต โคตมสฺส
ธมฺมเทสนา อภิกฺกนฺตํ ยทิทํ
โภโต โคตมสฺส ธมฺมเทสนํ
อาคมฺม มม ปสาโทติ ฯ ภควโตเยว ปาวจนํ (๒) เทฺว เทฺว
อตฺเถ สนฺธาย โถเมติ ฯ